أقدم مواطن في مدينة حائل على تطليق زوجته، بعدما اكتشف أنها ترسل صورها لصديقاتها في تطبيق المحادثات “سناب شات”، وهو ما كان قد حذرها من فعله.
ووفقاً لما أوردته صحيفة “إخبارية حائل”، فإن الرجل شك في تعامل زوجته مع التطبيق، لكثرة اشتغالها به، ففتح له حساباً بمعرف فتاة وأضاف زوجته وبعد فترة قصيرة من حديثه مع زوجته من خلال معرف الفتاة، طلب منها إرسال صورها، فأرسلتها له مباشرة، ليواجهها بما فعلت ويطلقها.
التعليقات
واضحة زي عين الشمس ي اسلام
نصيحه لخواتي انتبهو تصورون انفسكم بالجولات لان هناك ذاكره داخليه في الجهاز تحتفظ بالصور حتى لو فرمتي الجهاز مليون مره الحذر الحذر من التصوير بالجولات اقسم بالله اني ناصح لكم والسناب شات في برامج تحتفظ بالصور والمقاطع دون علم المرسل
الطلاق افضل حل للي ماتحترم زوجها واهلها وترسل صورها للشخصيات مجهوله
هذي نتيجة استخدام البرامج بشكل شيء
للاسف صار ادمااااااااااااااااااان ومن الجميع
وللاسف السناب شات احد اهم هذه البرامج للبنات في هذا الوقت
تصور وترسل كل شي اي كان وتعتقد انه ماراح ينتشر والمشكله اذا ارسلت صور شخصية لها او لاهلها
بسهوله تحفظ وعن طريق برامج اخرى ممكن تنتشر وتنفضح بها
من وجهة نظر خاصة الزوجه مخطية بنشر صورهااااااااا
فكيف لما تنشر صورتها لاي احد
هل هي طفله او ساذجه لهذه الدرجه !!!!!
طبعا اكيد بيزعل زوجها منها وبالذات انه محذرها وللاسف طلقهااااااااااااا وبصراحه مالومه
هذي زوجته وعرضة
الله يهدي الجميع
اللحين بتقنعونا ان حايل يعرفون النت وسناب شات!
معلش قصة مفبركة من وحي الخيال
ممكن توضح قصدك
أجل عسااا يجيك م جاها عشان تبطلين تتكلمين ع بنت الناس وتحسين شوي هذا لو عندك شويه دم ومخافه من الله
كلامك صح .. بارك الله فيكِ …
ليش هي مجنونه ترسل صورها للي تعرفه والي ماتعرفه
..
اصلا اي بنت تصور نفسها في جوالها تستاهل الي يجيها..
خاشه بالزاوية خايفه تاخذ أرقام صاحباتها وتخونها معهم
لو يلمعها ببخاخ قزاز انت وش دخل امك مسوي الفاهم مثلا ي شيخ خش بالي انت خابر
لكن انتبهلهم وأنا اخوك
والله لو طلبت صورة اخواتك وبناتك م بيردوني بس لاتقول الا خير
ويعوضها هي مسكينه
هي ماهي ع الشعر ترى طيزي كلها شعر
يالي تقول والله انك شنب ترى اذا جات على الشعر
الشعر لوفيه خير ماطلع في الي انت خابر
اتقو الله في اعراض الناس ولاتنسون انها من السبع الموبقات
ربنا يعوضه عنها من هي ابرك منها .. آمين .
معاه حق … حذرها باالبدايه من هو لا يرضاه ( ولا الشرع والقيم والأخلاق ماترضاه ) ولكنها تمادت الى ان ارسلت له هو ( على انه غريب ) ، فواجهها بسوء عملها ، فما عليه إلا ان يفارقها ، وهذا هو الحل الوحيد ..
الاخت نجلاء تتكلم عن رجال زمان ي شيخة رجال زمان خلصوا خلاص ابوي وابوك معد في منهم مافي الا رجال هاليومين جوالات مخبيه وبنت بكل منطقه ومصخرة. وبالاخير جاي يلوم المسكينه ع غلطة غير مقصودة ولا كمان ضايفها ب اسم بنت ي شيخ انت لو رجال كان جلست وتفاهمت معاه بالمعروف مو تتخبى زي الحريم وتضيف وتصبر لين تشوف وين الغيرة والحميه بس؟!!والي بيهرج ب اعراض الناس انشاءالله تشوفها ببناتك م اقول الا الله يصبر بناتنا ويرد كيد رجالنا بنحورهم
اصلا الشباب هذي الأيام مو حقين زواج. الواحد عسى ميلاقي شي تافة راح طلق الزواج عندهم لعععب. ويييييين الفحول حقين أول الي يوم يتزوج ويلاقي عنده حرمة كنه ملك الدنيا والي فيه. روووووووح بس والله لتلقها فبناتك واخواتك. والي يتكلم على بنت الناس يروح يطالع فبيته.
صلو على خير الخلق محمد صل الله عليه وسلم
حلال فيها الواطيه وتفووو على كل بنت أو حرمه ترسل صورها لأي وحده لو قريبتها
ان كيدهن عظيم الي بتخون تخون حتى لو زوجها نايم في جنبها
كلامك غير صحيح. صحف تألف قصص زي كذا.مو معقول كلامك.
ويعني مجتمعنا ماتطلع منه هالامور فيه ابلا وادهى فيه متزوجات ومتزوجين خاينين. فما بالك تصوير وسناب شات ومن هالشغلات الوسخه ذي … انا معك مافيه خصوصيه بين الزوجين ابدا. واللي يدس جوال ف سيارته والله مصيره بينكشف ومافيه زوجه تنزل سناب وغيره مافيه غير واتس فقط كذا مضبوط جت هالجوال وفسدت العالم صار الغزل والعلاقات بضغطة زر شي يقهر والله الله يحمينا من هالمصائب.
انا مو متزوج
لكن الان الحريم ما عرفنا لهم واتساب او سناب شات او انستجرام او تويتر
مغير ماسكه الجوال وخاشه في زاوية وما تبغي احد يقرب منها وهذا وش وراه الا بلاوي سوداء
اكثر المصايب اصبح الان من المتزوجات وهناك مواقع شات صوتي فيها التعري والشر والله
القصة معروفه ولا يحتاج لها تلميع وتهذيب
هي أضافته على أساس شاب وارسلت صورها
لا فتاة بلا فوتات
ابو دجانه من اسمك اكيد متزوج..
اذا من حق الزوج يعرف كل ماهب ودب عن زوجته فاعتقد ان الزوجة لازم تعرف ادق تفاصيل حياة زوجها طبعا حتى خوياه وجهازة الثاني اللي مخليه بالسيارة رسايله صوره برامجه اللي محملها ..
اللي بيتجسس ع زوجته زي اللي فالخبر واللي تتجسس ع زوجها نهايتهم الطلاق ..حتى لو كان حذرها فيه اسلوب افضل للمناقشة ماهي طفلة صغيرة تملي عليها شروطك بالتفاهم والعقلانية ينحل كل شئ لكن مثل اخينا سوا ابشع شئ عشان يلاقي غلطة ع زوجتة ويطلقها الرجال لو ماهو عايف ماسوا نفسه حرمه ويتجسس عليها عارف انها ترسل لحريم صورها مب رجال ولا ليش متنكر بحساب حرمه مسوي قافطها …
هو عارف كل ش ئوالله اعلم لكن يبي عذر عشان يطلعها مع الباب قال ترسل صورها لبنات حريم مثلها..
انتبهوا ثم انتبهوا مهما كان مقدارحبكم لبعض انكم تدخلون الشك بينكم هنا اعتبروا انتهت علاقتكم الزوجية وانتهت ثقتكم في انفسكم وبتظل معكم عقدة النقص طول عمركم…
وعندي احساس هالسالفه كالعادة من تأليف الصحف عشان يشككون الرجال بحريمهم بسبب اي شئ يكفي سالفة الحصان البعير والواتس لاتلعبون بعقول رجالنا حسبكم الله ونعم الوكيل
الله يستر علينا وعلى خلقة ويهدي امورهم ويصلح مابينهم هي صح غلطت لكن هو غلطة اكبر لمن طلقها لان الطلاق مو حل بس خراب بيووت كان فكر في حل ازين لة من التهور ..
بعض المتزوجات يغازلون الشباب ويتميعن عند العمالة بالاسواق
والازواج ياغافلين لكم الله
هي القشة التي قصمت ظهر البعير !! بالتاكيد هنالك اسباب اكبر من هذا الامر ولكن نحن دائما ننظر للورقة الاخيرة من الكتاب ولو لم يوجد بها سوى سطر واحد ..
المشكلة الان ان الحريم لو زوجها طلب جوالها تقول لا وهذي خصوصية وما ابغي احد يشوف جوالي
طيب زوجك من حقه يشوف كل شي يخصك
وشذا التطبيق. وهي غبيه دامه حذرها منه ليش تشغله. وفوق هذا ترسل صورها حتى لوهي قريبه صورك لاترسليها لاي احد
لاحول ولاقوة الا بالله “” وهي ليش توزع صورها على من تعرف ومن لا تعرف
الله يستر عليها مدري اقول تستاهل والا لا ماندري عن الحرمه إذا متعلمه والا لا وإذا صغيره بالسن وحسب مانشر عن سناب شات انه لايمكن الاحتفاظ فيه بالصور والفيديوهات فيمكن بقلة العلم لديها فكرت ان مافيها شيء ترسل لبنت مثلها وماندري عن الأخ إذا بعد ارسلها صوره اللي سرقها مدري من وين على أساس أنه بنت وصاروا صحبه وكذا ووثقت فيها اقصد فيه.. كان المفترض التحذير مع شرح المخاطر وكذب النآس ومو بس السنان شاب بوه مصايب كل برنامج اردى من الثاني إذا تعامل فيه بطريقه سيئه.. والله يحفظنا ويستر علينا وعلى بناتنا
احسن …وش هالعقول بالله صورتك يالغبيه عاد ….فيه عقليات محتاجه فرمته وتربيه من جديد …زين ماذبحها والله ماشالله عليه مسك اعصابه ..يلا عاد تحملي مايجيك من اهلك واخوانك…
عز الله انك شنب ومحذرها قبل كذا جابها ع خشمها وف الجرم المشهود مالومه ع الطلاق لان اي رجل حر راح يطلقها. النوعيه ذي مافيهن امان ابدا.
شف الغبيه ترسل صورتها كذا بكل سهوله ترسل لشخصيه مجهوله ياناس وش هالغباء هذا وش هالتنك هذي دخل عليها باسم بنت وهو رجل وتحمد ربها انه رجلها لو واحد غيره ابتزها وهددها واخذ اللي يبي منها
فيه اخت تسال امس عن السناب شات واظن اسمها الهنوف والحمد لله حذرتها منه وقلت برنامج وسخ والحمد لله جاء هالخبر واكد كلامي
. يعني بيت انهدم من السناب ومن تفكير بعض البنات الغبي..
البنات تجي فيهن لحظات مخها يتغير ….!!!!!!!؟؟؟؟؟؟ شي عجيب والله
فعلك أشنع من فعلها ، وهذا دليل على إنك صاحب نية سيئة وزوجتك واضح عليها حسن نواياها ، وإن كنت قد حذرتها لكن المرأة بطبيعتها تحب التباهي بجمالها بين صديقاتها ، وكان الأفضل أن تضبط أفعالها وتجعل من فعلك الشنيع بالتجسس عليها تحذير أخير لها بعدم الإفراط في إحسان الظن بالآخرين .
كما يوجد تطبيق يحظر التطبيقات الغير مرغوب بها وعندما رأيت منها ذلك وضعت في جهازها هذا التطبيق وحذفت السناب حتى لاتقوم بتحميله من جديد .
تستاهل لاصار توزع صورها لكل من هب ودب
وكفو عليه انه طلاقها لا صار ماتحافظ على نفسها
اترك تعليقاً