طلب مواطن من عرعر، ريالا واحدا فقط مهراً لابنته، بالإضافة لتكفله بتوفير كامل مستلزمات ابنته الخاصة بإتمام مراسم الزواج.
وقال المواطن فالح جهيم العنزي، إن تزويج ابنته وسترها هو المهر الحقيقي بالنسبة له، رافضاً المغالاة في المهور، والتقيد بالعادات المختلفة المتبعة في الأعراس، وفقاً لـموقع “أخبار 24″.
وقد وجدت هذه الخطوة استحسان الكثير من المواطنين، الذين أكدوا أهمية تيسير الزواج بتبسيط المهور، لمساعدة الشباب على الزواج.
يذكر أن هذه ليست المرة الأولي التي يتم فيها ذلك، إذ سبق أن زوج مواطنان بكل من تبوك والمجاردة ابنتيهما بريال واحد، بينما زوج آخر من مكة ابنته بمهر قدرة خمسة ريالات فقط.
التعليقات
خبل ليش تبيعها بريال استح الله يهديك بس المهم نصيحه لاحد يفكر بتفكير ها لخبل
ونعم والله بيض الله وجهه هذا رجل
لاأحد يفكر انه استنقاص للبنت.لا وألف لا بالعكس يرفع من قدرها. و ع الزوج تقدير ذلك
اولاً الله يوفقهم ويسعدهم ويرزقهم قولوا امين وثانياً كثر المهر مو فخر للبنت وقلته مو نقص فيها والاهم الانسان هو من يصنع المال مو العكس والحريم ما يكرمهن الا كريم ولا يهينهن الا لائيم
حسافة إذا كان مايستاهلها ترا بعض الشباب مايستاهلها كل ذا واحد زوج بنته بريال وزوجها يناديها يا علبة ألبي بسي وراحت لأهلها وغلوا المهر صار يناديها يا مصنع البيبسي سبحان الله والحمد لله والله اكبر لا اله إلا انت ربي سبحانك أني كنت من الظالمين
الاب تكفل بمهر البنت يعني ماهو مقصر معها ادعولهم بالتوفيق والبركه بحياتهم بدل الطنازه
خمسين الف تكفي البنت من كل شي
عن تجربه والله ان اواني المطبخ شريتها
كامله من المهر لبناتي من اصغرشى
في المطبخ الى اكبرشي
رياااااال يعني الببسي اغلا منها بنص ،، ع العموم الله يوفقهم ولكن انا أقول خمسين الف مهر للبنت مناسب في وقتنا الحالي واصلا بيروح في الذهب والخلاقين والكوافيره ليلة العرس ويمكن مايكفي بعد
احسن الله الى ابيها الذي اسر وافرح هذا العريس من هموم وديون وقروض لمستلزمات ليله واحده لاداعي لها صراحه ناس عندهم رصيد ودراهم وبعد الزواج يطفر وصراحه من اسباب الحياه الزوجيه السعيده قلة التكاليف في ليلة العرس والله يسعد كل متزوج ومتزوجه وان يرزق كل عانس وعزوبي ….
اذا كان العريس رجل بمعنى الكلمه بنص ريال مو ريال كامل
كلام ابوها عين العقل ستر البنت اليوم هو المهر الحقيقي
نسأل الله الستر المجتمع في انهيار اخلاقي خطير جدااا و العاقل من اتعظ بغيره
اعرف شخص زوج بناته و هن في عمر ١٥ سنه خوفا عليهن من الانحراف المدارس فساد الجامعات فساد الواتس و غيره فساد ماذا تنتظرون حدوث المصيبه !!!!! حتى تقول يا ليت و يا ليت
المسلسلات و قصص الحب غسلت ادمغه الكثير من البنات
اهنيك يا عم فالح على هذا التصرف الحكيم
والله مااتزوج بريال فشلة
اذا ابوها بيوفر لها كل ماتريده خلاص وش تبي هيه ومن متى الحريم يحددون المهر يالطيب ؟؟؟
يارجال ليا صارت الحرمة تطيع زوجها والا تكسر كلمته …. ليش يصير عندهم مشااكل من الاساس الا اذا كان الزووج حبااب حق مخدرات والا حق سوابق ونفسية ومريض وشكاك ويشك في حرمته …. غير مذا مافيه مشاكل والاموور طيبة على احسن مايكوون ويجيها حقها ويجيها كل شيء تبغاااة …….. ومسألة الشك و ضرب الحريم والا مطالبهن بدوون سبب مقنع …. هذه كلها اموور شايلها من رااسي كلها ….. مايسب والا يشتم والا يضرب والا ينتقد والا يذم والا يطلع عيووب في الحرمة الا حرمتن مثلها ……. ومهاب رجاال …. والحرمة جميلة كلها من الرأس الى القدمين …… حتى لو كانت عبدة ……… وخصوصا اللي فاقعين مرارتي اللي يقولون ام ركبة سوودة ام ركبة سوودة السعوديات ركبهن سووود …. هذا مهاب رجال من الاساس واعطكيها في وجهك اي واحد ينتقد امرأة في شيء اعرف انه مهاب رجال …… الا اذا كانت المرأة متبرجة ومبدية زينتها .. وتحاول تفتن الشباب ….. وانتهى الكلام
هههههههههه ريال عاد ،، عالاقل خلوها اغلى من علبة البيبسي ،، انا اقول لاضرر ولاضرار ،، مو بريال ولا بمية ألف ،،الاعتدال مطلوب ياحلوين
يوووة ياحظه حظااه … والله يااطااح له على بنت الحلال …. اللي ابوووها يقدرها من الاساس ويخااف عليها من فتن الزمان ومن الذئاب الجائعة والنساء الغاويات واللاتي يجرن العفيفات بشباكهن ……… وش تبغين اكثر زواج وبتعيشين مكرمة معززة في بيت زووجك ….. انا اشهد انكم يالاد وائل ذياابة …….. خلاص انا ابا ادوور واخطط على عنزية اتزوجها على سنة الله ورسولة …… نااس تقدر وضع الحريم وتقدر وضع الشباي وتشووف الزمن وبلاويه والستر اهم شيء لبناتهم …… ابك والله انكم كفوا … والله تجدد الامل عندي للزواج هالحين وارتحت نفسيا …….
هذه مضياني المضيان مطارفه الشملان محد يتزوج منهم لان هم عراقات ماصدق على الله جاء عريس لبنت
عرف الناس قال مهر قال ريال سجل الشيخ ريال بعدين مائة الف مهر فقط
الله يجزاه خير وياليت لوهالبنت عندها اخت يزوجنياها.بس من رأيي يكون الزواج بدون اي تكاليف اهم شئ الشاب الطيب والاخلاق ومايحددالمهر ب ريال .أصلآ الغرض من الزواج الاستقرار وبناء اسرة جديده يعني التكاليف اللي قبل الزواج من مهر وشبكة وحفلة وقاعة كلها مالها داعي وفي النهاية الزوج وزوجته هم اللي يعيشو حياتهم والافضل توفير التكاليف لمستقبلهم
ياليت اغلب اولياء الامور يكونون مثل هذا الاب الفاضل نسبه العنوسه مرتفعه جدا والبيوت ممتلئه من البنات وفي اعمار كبيرة جدا لكن مانقول الا شيء واحد اللهم يسر امر كل مسلم ومسلمه واحفظهم بحفظك اللهم امين .
ارخصت حيل بنتك الحين الناس تقول وش مسويه البنت عشان ابوها يرميها بريال وبعدين المهر من حق البنت هى الى تقرر انت مجرد ولى اثناء النكاح وليس لك من الامر بشي لا مهر ولا موافقه هى من تختار وهى من تحدد مهرها
شي طيب .. وجزاه الله خير .. ويكثر من امثاله ..
.
.
لكن لو صار بعدين مشكلة بين الزوجين ( أي مشكلة زوجية) وقال الزوج لزوجته تراني اخذتك من بيت ابوك بـ () ريال .. وش بيكون وضع ونفسية وحالة الزوجه !
.
.
فخير الامور اوسطها (:
اترك تعليقاً