في رسالة إلى مدير الادارة العامة للمرور بمدينة الرياض لاتحتاج الى تعليق أو توضيح أكثر مما اوضحه مقطع الفيديو الذي رصده مواطن صباح اليوم الأحد لمركبات تخالف السير على الجسر المعلق غرب مدينة الرياض تسير في طوابير على المسارين دون وجود دورية واحدة فقط تتصدى للمخالفين الذين لايعبأون بارواح الناس سالكي الطريق الدائري الغربي ، فهل لدى مرور الرياض حل ام يبقى الحال على ماهو عليه ؟!
التعليقات
ياشباب ضروري مدير عام المرور يعرف مايحدث في شوارع الرياض طالما طال عمره مايبي يكلف على نفسه وينزل للطرق الدائرية ويشوف،لذلك نبي حملة تصوير للأحداث يوميا ونشرها بحساب طرق الرياض بتويتر ونبي صحيفة صدى تكون مشرفة وناقلة للموضوع وتغطيته…!
أقترح أن يكون دوام الجامعات بنين وبنات من الساعة العاشرة
راح تخف الزحمة خاصتا فترة المشاريع الحالية نص عمرنا ضاع في الطريق
تقصد ؟ عبدرحمن المقبل والله انك صادق لعب لعبته ونقل الغربيه
يحق لهم سكان اهل الرياض عكس الطرق وتجاوز الاشارات من ما يعانون من زحمات وكثافت الاجانب وتهورهم بالقيادة وهم احد اسباب الرئيسية لزحمة الرياض وغياب المرور عن ارض الواقع والعتماد على شاشات المراقبة والساهر ونجم لتأمين…
في نفس اللحظة اللي فيها الناس تعكس الطريق يوجد ثلاث دوريات مرور على مخرج ٣٣ يعطون مخالفات حزام وتظليل وذلك بسبب ارغام الافراد على انهاء دفاتر المخالفات التي بعهدتهم وربط الاجازة وتعديات الورديات والنقل بدفاتر المخالفات لذا لن يتقدم المرور خطوه وهم مثل المحلات التجارية التي تبحث عن الربح بغض النظر عن الجودة
نسخه لمدير عام المرور
ايييه من زمان والمرور نايم بس ازعجنا مدير المرور السابق اتوقع اسمه عبدالرحمن عشان يرسي مشروع ساهر ولما رسى المشروع وكل واحد أخذ نصيبه ما عاد شفناه ولا شفنا تواجد للمرور ابدا شركة نجم هي اللي تشرف على الحوادث داخل الرياض إلا الدائري أو الملك فهد يا عالم الرياض فيها مشاريع جباره تشتغل وأهمها مشروع المترو والطرق كلها مقفله وتحويلات مفروض تواجد للمرور في كل مكان لكن ما فيه فائده اكيد ب نشوف الرحمه بكل مكان تحصل دورية المرور العسكري جالس فيها و مقفل مخرج او جالس يجمع التريلات والسيارات الكبيره اللي لحالها مسويه قلق وزحمه ومفروض انها ما تدخل الرياض الا في وقت محدد ويجمعها في المخرج او على الرصيف فأكيد بتصير زحمه ولا تنسون العسكري جالس للحين يطقطق ب الجوال ولا يجيني أحد يقول اني متحامل لكن هذا الواقع وكل يوم أعاني من الزحمه في الدوام والمدرسة ولا وجود للمسة المرور
@المرور في سبات عميق واقل ما يقال عنه انه حبر على ورق ولا وجود له
@ المهندس المنفذ للجسر المعلق غبي وغشاش ويجب محاسبته وماحسبة المسئولين في الحكومة في ذلك الوقت .
اي موعد الظهر الساعة 2؟ وانت الصادق تخلف لبعد الحدود من اللي عاكسين الخط
يالطيف
والله المرور مايقوم بواجبة تجاه مثل هالامور والزحمه
الناس تجلس بالساعات في الزحمه وهم مافكروا يحطون حلول بالرغم انها سهله
ياخي الى متى هالمهزله الواحد راجع من دوامه يجلس بالساعات في الجسر
حررررررام
ان شاء الله يهتمون بالموضوع
انا بعرف وين المسؤلين ينااااس
كبروو الشووووووارع خلوها من 5 الى 6 مسارات و بس فالحين كل 6 شهور غيرتو السفلت والله حرااام فلوس السفلت كبرو فيها الشوارع والان السيارات اكثر من قبل
والسنوات الجايه راح تكثر السيارت ضعف العدد هذا لازم دارسه مستقبليه 3 مسارات صارت ماتنفع بشارع رئيسي مافي خطط لعشره سنوات قادمه كل ماشافو شارع زحمه ارسلو له دوريه مرور طيب ايش راح يسوي يشيل السيارات مثلا الزحمه موجوده موجوده
الله يعين الرياض زحمه غير طبيعيه المفروض يكون في ترتيب من المرور والله قليل تحصل للمرور تواجد في اماكن واجد والحمدلله العسكر واجد لازم تغطية جميع الاماكن في العاصمه
لتخفيف الزحام وتكون الحركه المروريه ارتب
انا اللي ابي اعرفه ليش مطنشين يعني شغلتكم اقصد المرور هي تنظيم السير وحوادث المرور وصارلي في الرياض 30سنه والمرور هو هو اهمال وتطنيش ولافيه اي تطور وين الحكومه ليش ماتظبط القطاع الفاشل يعني معقوله حكه في الصدام بين سيارتين يجلس الشارع مقفل ساعتين
نحن البلد الوحيد الفوضوي والمتناقض وكل شي ماشي خلف خلاف الآختناقات المرورية في جميع المدن والمحافظات الكبيرة مثل الرياض جدة الدمام معقولة ماشغلو مخهم من زمان ولاعملو شبكة قطارات تخدم الجميع ونفتك من زحمة السيارات المتكدسة في الطرقات حادث واحد يعطلك ساعتين .
اقل مايقال عنها مدينة الفوظا والامبالاه من هو مسؤل عن هذا وفي الاخير يجيك ينبح انتم مغرضين وهذا ايش تسميه رساله الى مدير مرور الرياض خذ راحتك محديساءل وينك انت لانة فوظا ولاكن رسالة الى سمو امير منطقة الرياض واقولة كيف حالك تدري ولا ماتدري اكيد بيقول مدري وانا اقوله هذاك دريت ايش الاجراء الي بتتخذه يعني ارواح الناس اصبحت مجرد اشيا مسلم بها لوزهقت راجعو انفسكم ياجماعة اتجاهكم غير صحيح
وكمان يقول شف المعلق كيف مسكر وبرضه يسئل ليه يعسكون
ايه الناس دي
يوووه كل ذولا عكس ليه ؟ هذا سؤال المصور
وهو يدري ليه يشووف الزحمه على يساره واللي عكسو ما ينلامون بعضهم مستعجل بعضهم عنده موعد لازم يوصل في الوقت المحدد سوا كان موعد مستشفى ولا عمل
محد يعرف ظروف الناس
وين عايشين تروح من مكان لمكان عشره كيلو ولا 15 كيلو تجلس ساعه في الخط ولا اكثر وين عايشين وانواع التحويلات ومسخرره صراحه
متى كان المرور حاضر وقت الصباح المواطنين من الساعة الخامسة فجرا في الشوارع وتخنقهم الزحمة في جميع الطرقات والمرور يغط في سبات عميق واقع المرور محزن ومبكي وانظمتة لاتحترم والدليل مانشاهدة في هذا المقطع
معذورين والله من زود الزحمه وسوء التنظيم من قبل المرور زحمة تبدأ من السادسة صباحاً وتمتد لمسافة 4 كيلو قبل الجسر
اذا مسكنا طريق الجسر المعلق انام واشبع نووم ولسى ماوصلت للكليه من الزحمه
لما يجتمع غياب الوعي مع غياب المرور تكون الكارثة وتحصل الفوضى والحوادث والمرور غايب من زمان ولابد من اعادة النظر في جهاز المرور بشكل كامل وفرض العقوبات وتطبيقها بكل صرامة على المستهترين .
اترك تعليقاً