كشف مقطع فيديو “كر وفر” وضرب بين شاب واثنان من افراد دورية للمرور بمطار الملك خالد الدولي بالعاصمة الرياض ضبطه عناصر الدورية مخالفاً وحاولا اقتيادة لمقر قيادة الدورية ، الا ان الشاب رفض ركوب الدورية وامام تعنته اندفع عناصر المرور لأركابة بالقوة الجبرية في مؤخرة جيب الدورية ، مما اضطر رجلي المرور الى حمله ودفعه بالقوة بعد أن حاول المقاومة .
وكشف الفيديو محاولة بعض المواطنين المتواجدين خارج صالة المطار تهدئة الموقف بين الشاب ورجلي المرور بعد أن ارتكب “المواطن” مخالفة وقاوم عناصر المرور بشكل غير مبرر على الاطلاق وتعدى صارخ على القوانين والأنظمة والتعدي على رجال الأمن.
خبر ذات صلة..
التعليقات
هذه العينات المفروض قيد وكلبشه وكان المفروض أستدعوا دوريات الأمن
مساندة قبل الخصام لأن باين من شكله عبيط وياليت ترجع القوة الجبرية
اللي كانت في عهد الملك فهد لأن هذا الزمان قوانين فاشله !!!!!!!!!
خلفت الأرهاب والخوارج والصيع والدشير مثل هذا ..
وإذا كان مظلوم فهناك إحترام للقانون ويركب الدوريه بأدب وإذا له حق راح
يأخذه بالقانون إلا إذا القانون من مصدر شخص يمثله وهو لا يمثله فهذا
عاد شيء له باب وجوا !!!
يجب على الشعب احترام رجال المرور والأمن هم البنية التحتية للبلد
هو انسان ومواطن مو خروف لقودوه بالقوه .. لو الموضوع كبير صح يقتادونه بالقوه لكن مخالفه مروريه ويسوون فيه كذا ؟ هذا اكبر غلط ويجب تأهيل رجال المرور بدورات كيف تتعامل مع المواطنين
غلط بالقوة
المرور بنفسه فتح تحقيق في الأمر
وبعض التيوس هنا مبسوطين ويقولون كلبشة واللي يقول وش مالكل واللي يقول عصا كهربائية ! الله يجعلها هالعصا في …………..يا متخلفين
مرور شغله تنظيم السير فقط وإعطاء مخالفات أي شيء آخر فيه جهات أخرى مسؤولة عنه
خذ الرخصة والاستمارة وانتهى الأمر أما بهذه الطريقة الهمجية فليس الأمر مقبول
مرة أخرى يا جعل العصا اللي تطالبون بها تشتغل في ظهوركم عاجلاً غير آجل يا أنجاس اعوذ بالله والله لو كان عدو ما قلتوا هالكلام ولو كان أجنبي لتباكيتم عليه يا جبناء
انا كنت اتمنى انهم يستخدمو عصا كهربا او صاعق كهربائي عشان يشلون حركته ،،، واضح ان وراه مصيبه وخايف ولو انه واثق من نفسه كان ركب معهم بدون شوشره وخلص اموره بهدووووء
فوضه
لو كلبشوه بيديه ومن ثم حملوه كان اسهل لهم
لاحول ولاقوة الا بالله !!؟
شخصيا انا مع النظام في كل شي
ماا ادري ليه اغلبية الشعب مدرعمين
نعم كلنا مع الامن والامان والوطن
لكن ان يحكم الشخص على عماها .. هذي شهادة اقرب الى شهادة زور
يجب التحقيق ومعرفة السبب قبل كلشي
والله لو ان من قام بها لاهيئة لتغيرت 90% من الأراء
مثل مافيه مواطنين مستهترين ويستحقون العقاب
هناك عسكر والله اشد
لبس البدلة ويضن انها تحميه ويقوم بالغطرسة وشوف النفس والاهانات
هم بشر وليسوا منزلين من السماء
وشفنا مقطع المحشش في الدورية ويفتخر ويتلاعب بالسفتي ويهدي اخوياه
ولم يحترم لا عمله ولا البدلة اللي لابسها
الشي المهم
هو التحقيق ومحاسبة المخطي
رجل مرور وفي المطار
اقرب مافيه الموضوع (( ممنوع الوقوف ))
مثل ما قال احد الاخوان سجل رقم سيارته واسحبها
وهو عطه قسيمه واكتب فيه
ويتم اعتقاله من قبل البحث وبطريقة حضارية
اما سحب وجر كأن البشر خرفان
ممكن تتسبب في عواقب وخيمة كـ القتل اطلاق النار
بسبب تافه يا موقف خطأ او خلافة
بإختصار
لابد من التحقيق
وعلى المواطن احترام رجال الأمن
وعلى رجال الأمن احترام المواطن
وتفريق بين المواطن وبين الارهابي
أعقب يالضب
طلعو سيقانه هههههه
هذي عمليه قبض ولا خطف : )
ههههههههههههههه يبدولي انك انت دبه ورخمه في نفس الوقت وكلامي نرفزك لاني قلت النحاف ماهم بسيطين قويين وياخذون حقهم دبل الدبل
اجل وش تبغون يسون فيه يطلقون النار عليه
شخص يمكن غلط عليهم وشتمهم وقل ادبه
المفروض زي الغرب اذا عصى الاوامر يطلق عليه النار
وانتهى
اسجنوا المواطن وبهذلوه كيف يعصا الا وامر يستحق السجن وكا ئة رجال المرور
والله شاهدت مقطع لشاب خليجى عاند رجل المرور كما نسميه وكانه عاندمعه والله تله واسقطه عندباب السيارة ودعس على رقبته ورفع عليه المسدس/لهذا يحترم النظام هنلك
ترا ما درت عنكم خلّونا بالخبر هذا وش فيه قام يرفس ويتقلب بين يدين العساكر متحدي الكل ترا وزارة الداخلية ما حد يتحداها الاحترام واجب والشباب اللي أهله ما علموهم احترام القانون الحكومة تعلمهم العلم الصح والاكيد ول يرافس بين يدين العساكر ولا هو معبرهم كل هذا تحدي
يسعد مساء الجميع .أولا اللي شالوه بسياره مسكين ماله ذنب
حرام جاي يشيل اخوه من المطار ولا صاحبه وبصراحه غلطت العسكر
انهم شالوه بهذي الطريقه ادري ان العسكر م معهم كلبشات لانهم دوبهم متعيينين .عطه ورقه صفرا وانتهى كل شي وفي الاخير كل الهواش هذا ع موقف غلط .ماله داعي تشيل بهذي الطريقه ماركب معك اسحب اثباتاته وجيب الظابط او الرقيب ويتفاهم معه بهدووء.وفي الاخير كلكم سعوديين ومن أهل الوطن.والله يديم الامن والامان .
يطلعون الرجال في الجيب كانه ذبيحة حسبي الله عليهم
يعني فين بيودوك جوانتنامو !؟
كل هذا الرفس والنطح
هو توقيف وتعهد وخلاص
ومحسوووووبتك…..
كمان…ههههه
شيب عيني
نظام لمرور صريح ولا يحق لهم تركيبه بالقوة
اذا خالف فا يعطى مخالفه وينتهي الوضع
واذا ارتكب كلام لفضي او ما شابه ذالك
فليس لهم الحق في تركيبه بالقوه
بل يتم الاتصال بالدوريات الامنيه وهي من تقوم بالاجراءت
وبعديييييين…معاكي ياملك….
انتي اي واحديجي يتفلسف
تردين عليييييه….
يستاهل دقة خشم ليش يرفظ شايف نفسه المفروض ان يفذ لامر وأذا له حق يطالب حنا بلاد عزها الله تنصر كل مضلوم أذا ثبت انه مضلوم
صدقت تستاهل هههههههه
قولو ماشاءالله الي يقولون وش ياكل وعنده قوه ﻻتخذونه بذمتكم شكله مراهق مايعرف مصلحته اوفيه حله نفسيه أو يمكن مس وله اثنين مايقدروعليه .
يجحص كنه جرو
هههههههههههههههههههههه عجزت أمسك نفسي من الضحك هووكراعينه عجزوعنه ابك ياقوووووووه
امريكا بلد الكفر والنفس البشرية رخيصه ـ اما نحن فبلد الاسلام
راحت ايام الفلكـه . ويام لي الاسطوانه .. يارجل صرنا نخاف من المدرسين اكثر من اهلنا… وعلى قولتك دام الضرب توقف بلمدارس لا تتفاجـئ لو جاك عيل طوله شبر يحاول يضربك…. راحت ايام الطيبين… الحمد لله على كل حال .. ربي يشتر من الايام الجايه..
اي والله صدقت
عندما ينظر المشاهد للمواقف المؤلمه فأنه يشعر بالخوف واللذه الخوف من ان يحصل له مثل ذلك واللذه انه صار على غيره وليس عليه
دبلو الرواتب للعسكر اقسم بالله انهم في جهاد مع ذول الجن
الحل كان بسيط كلبشات باليد ومثلها بالرجل والثالثة موصولة بينهما تخليه ما يرفس أبد
احم احم اصلن محسوبتك سعادة لواء لكن مو بالسجون مثل ما قلت السجون يبغالها حرمه لكن على شكل رجال يعني طول في عرض وانا يالله الجنه لاطول ولاعرض لكن انا عرفت القايش لاني تصفق فيه .
يارجال هياط ورعان
خلوهم ينظربون ويعقلون شوي
شايف رجل الامن ولاشي
اكيد كداد
للاسف ان اللي مصور لابد ان يتم ضبطه ومعاقبته على التصوير والنشر وهذا في نظام الجرائم اللالكترونية
الاخوان اللي يقولون العسكر مالهم حق . اجل انتوا ما تعرفن بعض قدادة مطار الملك خالد > المفروض هذا الشخص يتم احالته للتحليل عن السموم .
كل الردود وتعليقات مع العسكر ضد المواطن طيب ليش العسكر منزلين من السماء مايخطون بتقولون النضام النضام بعض الرجال مايتحمل ايذا انه ضيم وحصله عنصريه ولعن وشتم من جحلط العساكر الي ماهي فاهم لانضام ولاغير شايف نفسه عسكري وخر عن دربه الله لايوليهم على المسلمين
الله يعين العساكر بس تدري عاد النحاف هم دايم القويين مو نفس الدببه
في أمريكا أي مقاومة يطلقون النار عليه ,,,,, متى يطبق هالكلام عندنا بس . . . .
اتفق معك كثيرا حنف ومسك مع الرقبة زي الخروف وجر على الارض اهانة كبيرة .. لابد من توعية رجال الامن ان الصلاحيات والسلطة الممنوحة لهم ليست مطلقة ليتصرفو كيف يشائون ويعلمو انهم مراقبون هم ايضا كي لا ينتهكو حقوق وكرامة الاخرين بسلطتهم خصوصا ان اغلبيتهم من قليلي التعليم ومن فئات تنقصها الكثيرة من الامور من ناحية رقي التعامل والتربية والادب واحترام الاخرين … يجب تحديد حقوق وسلطة كل طرف سوى من رجال الامن او الموطنين كي لا ينتهك احدهم حقوق الاخر والا حصلت امور لا تحمد عقباها .. وانا على يقين ان ولاة الامر والمسؤولين مؤكد لن تعجبهم طريقة تعامل رجلي الامن مع المواطن ومن اجل مخالفة فقط يهان بهذه الطريقة وتهدر كرامته امام الجميع والمقطع انتشر والعالم باسره سوف يراه ويقال انظرو كيف تهين الحكومة السعودية كرامة مواطنيهم … اتمنى محاسبة رجلي الامن على تصرفهم الارعن والا فلت الامور وكبرت
ايه كذا هذا لمرور ولابلاش … ايه نبغاكم كذا ع طوووول … تدعسون ع خشم كل مستهتر بالانظمة وعلى خشم كل متهور ..الاف الضاحيا بسبب هذه العينات
اوكيه هو غلطان ولكن لا يجب ان يتعامل معه بهذه القسوة ولنا بتعامل الشرطة الاوروبية مثال وكيفية تعاملهم مع المتظاهرين وضبط النفس … وللاسف اغلبية التعليقات مؤيدة لتصرف رجال الامن مع الشاب هناك قانون يحمي لكل طرف ويتخذ له حقه مخطئ يعامل معاملة محترمة تحفظ له كرامته ثم يحال للمحكمة وينال العقاب لكن يعتدى عليه بهذه الطريقة البشعة هذا شي مؤسف ومرفوض وليس مبرر انه قاوم ان يعامل بهذه الطريقة شعرت بالاسف مرتين مرة من المقطع والاخرى من التعليقات للبعض تمنيت ان شعبنا يكون اكثر وعي ورقي من هاكذا
تعرفين المغزول يا اصايل انتبهي منهم تراهم يوسمون يا اصايل خلي بالك من العدة
هههههههههه
نقتدي بالحق ماعلينا من الزلايب ،،، وجنودنا حافظهم ربي من اللهايب
انثبر جعل كيك بنحرك يامدور للطلايب ،،، عيب تناصح وانت العيب كله عايب !
الخطأ على العسكر ليش تضربونه وتهينونه قدام الخلق في شئ اسمه ورقة وقلم اكتب محضر رفض الركوب معنا وصل الله وبارك والدولة تجيبه بطريقتهم المعروفة
بالامس مفحط يفحط قدام الدوريات وعارفين المطاردة ممنوعه في عسكري ذكي كتب اللوحه وراح بدون ان يناقش بعد يومين جاك المفحط يترجى اوقفن جميع معاملاته واوراقه
للأسف جانا جيل مهو عارف العسكرية يسوي نظام من راسه وماكان في انظمة وشروط
انا اتكلم بالنظام لحد يفهمني غلط وعارفين كلنا الضرب ممنوع والمطاردة ممنوعه ماعدا الارهابيين فمن حقك توطأ على بطونهم
اي نظام بس شغالين با القسائم وكلها بظهر المواطن والمشكلة اذا ما سددة تجيك دبل
ليت منهو رفسك على رمتك
خبره ياسعاد وشعرفك بالقايش اكيد انتي عسكرية بالسجن
ماكل حلبه وحسو
منع الضرب في المدارس اخرج لنا جيل ليس لديه انضباط في السلوك لانه اصبح لايحترم الانظمة ولا القوانين يجب اعادة الضرب للمدارس وتعليم الادب وان هناك رادع للسلوك الاجرامي والمنحرف والذي ينشأ من الطفولة واذا لم يتم ردع هذا الاجرام فسوف يكون مجرم في المستقبل ولايحترم حتى رجال الامن البواسل وهذا ناقوس خطر للمجتمع
الله يسامحكم في اجراءات معتمده و محددة للقبض على الشخص وفي شي اسمه كلبشات هذا المقطع سيشجع اخرين على القيام بنفس رد الفعل طالما ان هذه الطريقة المتبعه
ههههههههههههه قتلني من الضحك مفروض عصا أو صاعق معهم
شكله مغزول يعني مرجوج من قبيله االي ينقال لهم مغزول خخخخخخخخ
لو الهئية مسوية كذا كان العالم ذبحونا
اسألكم بالله ذولا عسكر
العسكر..ملزومين بتطبيق النظام…
والله يكون بعونهم
الكن بعض الناس او السواقين يرفعون الضغط..
يحسب انه فشارع ابوه..ولاتكلم معاه العسكري جاك يهايط…
وبعدين الشجاعه ماتتطلب نحف ولابدانه…ملوك..
الشجاعه لامنها قلبك…قسم بالله تمسح باطلق شنب…
عشان كذا نربي عيالنا وربونا اهلنا…
على قوةالقلب
والله ماكل يرى بالعين يصدق
احيانا تطيح بعسكر متسلطين
وليش كل هذا مرافسة بمرافسة اسمع الكلام وأركب معهم وان شاء الله ما يصير الا الخير لك هم بالنهاية رجال شرطة ورجال قانون احترامهم واجب وتنفيذ جميع تعليماتهم
واعزتي للعسكر النحاف والله انهم ضعيفين المفروض واحد منهم يطلع القايش ثم يعطيه خبطتين على ظهره ويخليه يركب الدوريه بدون اي مقاومه.
الله يهد حيلك وش ماكل هذا المفروض يكون معاهم صعق كهربائي يهجدون هالنوعييه وججججع
احترم تحترم
اترك تعليقاً