بالفيديو.. معلم يضرب الطلاب في فناء مدرسة

طلاب شاردين من فصولهم ويشربون دخان …….. وش تبون المدرس يسويلهم …… يعمى قفلو المدارس وخلو عيالكم رخوم

تمثيل نعم

تمثيل

أنا ضد الضرب ولكن ترى ’’المعلم/ة’’ بشر وبعض الطلاب/الطالبات ’’مفلوتين’’ ويرفعون الضغط.
هم يحسبون المدارس تربي اللي ماتربى ، المدارس مكمل لتربية الأهل.
فيه أهل يربون تربية ممتازة ولكن المشكلة إذا أختلطوا بعيال شريفة راحت تربيتهم بلاش.
والموظفات إذا أختلطوا بشريفة وزميلاتها قل عليهم السلام.. والله مايسلمون إلا مارحم ربي وفلت من قبضتهم.. بقدرة رب العالمين.

واضح انه طالب المعلمين ليسوا بهذا السوء والرعونة رغم الظغط من الوزارة والطلاب وأولياء الأمور واخيرا أسرهم نسأل الله لهم التوفيق والسداد فهم على تعب وجهاد وأمراض القلب والسكر والهرم المبكر

حركة مركبة …لتخريب سمعة المعلم …هذا طالب مثلهم والدليل انه ملثم ..ولايتكلم فلم ….لااكثر.

بعض المدرسين يكون بينه وبين الطلبة ود متبادل وبعض الميانة وحاجز الروتين الرسمي شبه مرفوع،،مثال على ذالك
مدرس التربية الرياضية ،،من خلال الرياضة والأنشطة الرياضية والمسابقات على إختلافها.
ومدرس التربية الفنية،،
والبعض من مدرسين المواد الأخرى الذين يتمتعون بالمرونة والتعامل الحسن.
؟؟؟ مهنة التعليم في الوقت الحالي متعبة ،،والجيل الحالي من الطلبة هداهم الله،،((بين مدلل وعربجي وشخص بدون شخصية ولا هدف)).

دققوا زين طلاب مع بعضهم
معقولة معلم يطارد بتلك الصورة

عسى يده بالبتر يارب .. الله يحرمه عافيته وصحته .. يتشطر على اطفال لو انه رحال يواجه ابائهم ويتفاهم معاهم ?

متى منعتو الضرب بعد ما راح جيلنا والله يا اكلنا ضرب من الفلسطنيون والمصاروة
لاكن والله طلعونا اوادم

عزيزي الطالب هايط ظارط العب زي ممانت عايز
ترى ممنوع الضرب
ولو اانت مخطي
لو تطقع بالفصل
انت ملك منزل
غلطتك مغفورة
وغلطة المعلم ب عشرة

الله يكون في عونه الصراااااحة أولياء الأمور صارواا يعتمدوا على المعلم في كل شي على قولة المصري خلف وزف

العنف مايجيب حل الأفضل إستدعااء أولياء الأمور

مغلم ويطارد لاهذا مهبول هو يبي له تعليم

ههههههههههه هذا معلم منفس والله معه الحق بعز الحر والعيال يستهبلون عليه
الله يكون بالعون

يامعلم حط رجل على رجل ولا تتعب نفسك ترى في وسط هذه الضجه لاذنب ولاحرج عليك قالو لاتضرب لاتضرب قالو لاتكلم على احد لاتتكلم هم يبو كذا يبو الهملة ليه محرق رزك
ليه متعب نفسك
ارضي ربك
ولاعليك
واياك ولانظباط
لنو متل ماقالو الطرق يجي فوق المسمار العدل

ياناس خافو ربكم في المعلم يشرح يصححح يرصد درجات يعطي حصص انتظار وووالخ المفروض ان تنظيم الطلاب لايكون من اختصاص المعلم يجب ان يكون هناك امن مدرسي لهم سلطه وهيبه غير المعلم لانهم بيكون اقل احتكاك بالطالب ولهم صلحيات التوقيف والجلد مثلهم مثل الشرطه
اما المعلم في وسط هالمتطلبات حتى ينجح في تدريس المواد وتنظيم الطلاب عليه بعد ان ينهي الجامعه ويتعين معلم يروح افريقاء يتعلم السحر هنيك ويجي
اما التشدق ب الاساليب التربوية التى نسمع ولم نرى منها شي
واخرها ياخوان خذو عني
الحاهل عدو نفسه
والجاهل اذ لم يخاف لم يستحي

هذا عضوا هيئة سابق

لاحظوا المبنى المتهالك كيف
وكذلك الشبك الي الطلاب واقفين وراه
باختصار المعلم يالله يشيل هم نفسه يعطونه اشراف ومناوبة يطارد الطلاب
وبقولكم قصة حصلت في تعليم بيشة
تخص الشبك الي في الزاوية
جاء مشرف تربوي نافخ بوزه وينتقد عدم وجود نشاط واستدرجه المدير حتى اوصله الى نفس شكل الشبك هذا في زاوية المدرسة بعد ان اقنعه ان اعمال النشاط هناك ثم اغلق عليه الباب داخله وتركه يصيح لوحده حتى انقذوه الطلاب في الفسحة والان اصبحنا نرى مشرفين لايزال اغلبهم يسحب مخطانته وينتقد واتمنى ان نغلق عليهم باب الحمام

شفت المقاطع والصور
قلبوها توم?وجيري?
فحوش المدرسة???????

.
.
طالب مثلهم .. اتركوا عنا الهبال الزايد

طالب مثلهم .. اتركوا عنا الهبال الزايد

الوزارة منعت الضرب ووقوف الطالب في الفصل أو في خارج الصف
ف بالتالي المعلم مضطر يستخدم أساليب تربوية لتقويم سلوك الطالب
وطبعاً هذا يحتاج تعاون الأسرة
بس بعض الأهالي يرفضون ومايقتنعون إن بنتهم أو ولدهم على خطأ
وياليت يوقف الموضوع هنا ممكن يوصل الأمر لتهديد المعلم أو ضربه وهذا حصل كثييير
فالأفضل مايكون فيه احتكاك مباشر خصوصاً مع الطالب المستهتر
لإن إذا صار شيء العالم كله بيصير ضدك الوزارة والأهل والمدير
فأحسن شيء المعاملة الحسنة احتوي الطالب ولا أكون ند له وأحاول قدر الإمكان اكسب ثقته
عموما فيه كتب تساعد في إدارة الصف وللتوجيه والإرشاد لازم كل معلم ومعلمة يكون عندهم نسخ منها

لابد من عقاب الطلاب بس بطريقه احسن من كذا

أخ فلسفة
أنت شايف كيف الحملة تجاه المعلمين والمعلمات
وكيف وزارة التعليم الإعلام والمجتمع متحامل بشدة عليهم ويدورن أي سبب عشان يهاجموننا
وعارف أن الضرب ممنوع من الوزارة
الآن بيطلعون فئة من الناس وتقول المعلمين مدمنين ومتسيبين ومايحللون رواتبهم
بوجهة نظرك هذا المقطع مايعزز كلامهم ؟

والله من اللي شافه من الطلاب
كل من ينتقد هذا المعلم خلك مكانه ونحن نسمع أصوات الطلاب والفوضى الحاصلة في المقطع
ورينا كيف تتعامل معهم

هم مستانسين على الجلد هههه ترا الضرب تربية

ياحياة الشقى

قريبا نقرأ
تم فصله

بسم الله مو طبيعي
أنت تتعامل مع شباب مراهقين ماينفع الضرب
وبالأصل الضرب مو حل ولا تربية
مو قد المسؤولية أترك المجال لغيرك وخل الناس يذكرونك بالخير

ههههههههههه اجل تبغونه يطبطب عليهم