" أحمد سعد " يكشف سبب إنفصاله عن سمية الخشاب: اتخدعت فيها وآمنتها على فلوسي

ظهر الفنان أحمد سعد ضيفًا على برنامج " شيخ الحارة " الذي تقدمه الإعلامية بسمة وهبة، الخميس، عبر فضائية " القاهرة والناس " .

وقال سعد في أول تعليق له عن انفصاله من الفنانة سمية الخشاب: " الست اللى تتجوز راجل ولو يوم واحد، وتطلع تتكلم عليه تبقى مش تمام ".

وأضاف: " أنا مش طالع علشان أفضح حد، طالع أوضّح لجمهوري وجهة نظري، قائلًا " أنا طلقتها غيابي، وهي طالعة بتقول إن هي كانت رافعة عليّا قضية طلاق، ده مش حقيقي، أنا عمري ما أوافق أعيش مع واحدة رافعة عليّا قضية طلاق ".

وتابع: " أنا آمنت لها بكل ما أملك، كنت محتاج ست تنظم لي حياتي، أنا كنت راجل (مهرجل)، بشتغل كويس وبكسب كويس، لكن مضيّع كل فلوسي، أول ما شفتها قولتلها ده، وآمنتها على فلوسي وحاجتي ".

و أكمل: أنا كنت بروح اشتغل كل يوم بالليل في المحافظات، وأديلها الفلوس تشيلهالي، لحد ما جت يوم قالتلي (لازم تشتري بيت ملك)، قلت لها اكتبي البيت باسمك، ولما أقولك تنقلي الملكية انقليهالي، أهلي كانوا فرحانين أن بقى عندي مكان ملك ».