عمر كمال يعلق على قرار إيقافه: "جزمة هاني شاكر على رأسي"

كشف الفنان المصري عمر كمال تفاصيل أزمته الجديدة بعد صدور قرار نقابة الموسيقيين بإيقافه وإحالته للتحقيق.

وقال كمال إن "الحفلة في واشنطن كانت ناجحة جدا والحضور كامل العدد، كان فيه شوية عاوزين يدخلوا لكن الأمن منعهم.. حصلت مشكلة والأمن تدخل".

وأضاف : "إعلاميين تحدثوا عن خناقة شوارع وخناقة بارات... هو قال دول بتوع المهرجانات رغم إني كنت مع باخرة مع راغب علامة وإليسا ونانسي عجرم، ورحت أكتر من ولاية أمريكية والناس تقدر تحكم إن كنت في قهاوي بلدي ولا مسارح محترمة".

وتابع أنه "اضطر للظهور في بث مباشر لتوضيح الحقيقة بعدما وجد أن حفلاته المقبلة مهددة بداع أمني".

واستكمل : "حد في البث قالي هاني شاكر هيمرجحك لما ترجع.. قولتله لا أنا محترم وهاني شاكر مش هيمرجحني.. وهاني شاكر بيمرجح اللي مش كويس، وبعد صدور البيان أرسلت رسالة صوتية لهاني شاكر وقولتله "جزمتك فوق راسي "واستحالة أي حد ييطلع يغلط في حضرتك".

واختتم : أنا مقدرش أغلط في حد.. أنا بشرف بلدي وكنت واقف بغني أمام 5000 شخص ورافع علم مصر (في الولايات المتحدة).. ليه يطلعلي قرار إيقاف؟".