بالفيديو .. الراحل محمود عبدالعزيز خلال لقائه بمبارك : انا زعلان ياريس!!

روى الفنان المصري أحمد شاكر، كيف تعرف على الفنان الراحل محمود عبدالعزيز، حيث أنه كان يسكن في البناية ذاتها التي كان يعيش بها "الساحر”، كاشفا عن موقف تعرض له الراحل مع المخلوع محمد حسني مبارك، عقب سفر الفنان إلى السعودية، أدى إلى حصوله على دور البطولة في المسلسل الشهير "رأفت الهجان”.

وأوضح "شاكر” خلال مشاركته في برنامج "الستات ميعرفوش يكدبوا”، المذاع على قناة "سي بي سي”: "أنا كنت ساكن معاه في نفس العمارة، قبل ما أطلع ممثل أصلًا، ولما قلتله أني عايز أدخل المجال الفني كان بيحاول يبعدني الأول، ويقولي المجال صعب وهتشوف تيار من الناس، وأنت في مدرسة ألماني فاطلع طيار ولا مهندس بقى، ولما لقاني مصمم حاول يساعدني، وعشت معاه مواقف كتير شخصية”.

واستكمل "شاكر”: "كان بيقولي إنت عارف دور رأفت الهجان ده أنا أخذته إزاي، قلتله لا، قالي أنا كنت مترشح للدور أول ترشيح، قالي وعرفت أن في نجم كبير حاول ياخذ الدور مني، قلتله وعملت إيه، قالي سيبتها على ربنا”.

وأضاف : "أخدت ولادي وطلعت عمرة للسعودية، والناس هناك بتحبني، وكنت قاعد عند حد من الأسرة المالكة وقالوا لى ده فيه زيارة والرئيس مبارك جاي، فراحوا لبسوني الزي الوطني السعودي، ووقفت معاهم، فالرئيس شافني قال: إيه ده شبه محمود عبدالعزيز، كلهم ضحكوا، وقلتله هو أنا يا فندم، وجاي هنا علشان حصل كذا كذا وقلت أسافر في عمرة وأنا زعلان يا ريس، قاله لا أنت اللي هتعمل الدور، ورجعه مصر وأصر أنه يعمل الدور”.

وأكد "شاكر” أن "الاختيار كان بينه وبين عادل إمام”، مضيفا: "قاللي علشان عادل ميبقاش متضايق قلتله إيه يا أبو رامي شوف الفيلم وقوللي رأيك كده”.

https://www.youtube.com/watch?v=m3We9AVOji8