صاحب واقعة صفع فنان مصرى: حقي رجع بعد ما ضربته بالقلم

تحدث كريم شلبي، صاحب واقعة صفع الفنان المصرى محمد رمضان عن المشاجرة التى دارت بينهما في قرية مراسي بالساحل الشمالي.

وقال كريم شلبي في لموقع القاهرة 24: الواقعة تمت الساعة 1 صباحا في قرية مراسي، الموضوع بدأ بأني كنت حابب اهزر وبقوله يا محمد حمضان لاقيته خد الكاب بتاعي وقالي اسمك إيه؟ روحت أطلع الموبايل وأصور معاه فيديو من باب الهزار وأنا بقول محمد حمضان، وتفاجأت أنه عايز يمسك الموبايل اللي كان في ضهري، وضربني بالقلم قمت ضربه في نفس اللحظة.

وتابع : مخفتش أضرب محمد رمضان بالقلم عشان كنت لازم آخد حقي، وحصل مشاجرة بعدها والناس بعدتنا عن بعض وبعدين روحت مكتب الأمن وهما اللي سلموني الموبايل بعد ما كنت صورت فيديو بالواقعة، وأنا مش عايز تعويض، والمشكلة اتحلت.