عزة بهاء: اكتشف أن زوجي متجوز عليا في جنازته

كشفت الفنانة عزة بهاء تفاصيل صدمتها عند معرفتها بزواج زوجها عليها في أثناء تشييع جنازته.

كشفت الفنانة المصرية عزة بهاء عن مفاجأة صادمة في حياتها الشخصية، موضحة أنها علمت بزواج زوجها عليها، أثناء تشييع جثمانه.

وقالت عزة بهاء إنها تزوجت 3 مرات، معقبة: "مليش حظ في الرجالة، للأسف بختار غلط، أنا مرة كنت متجوزة، وجوزي كان مسافر وعمل حادثة، وأنا طبعا قاعده مستنياه يرجع، فتأخر فلقيت مامته بتكلمني بتقولي إنه توفى".

وتابعت: "نزلت لقيته توفى فعلا، وفي عربية الإسعاف ومعاه واحدة، فقعدت أخبط على العربية عايزة أعرف مين دي ومصدومة طبعا ومش مستوعبة لسه، وفي الجنازة بتاعته بعد ما اتدفن وصلينا عليه، لقيت واحد صحبه بيواسيني فقلت له هي مين اللي كانت مسافره معاه، دي صحيح صحبته؟".

وأضافت: "صاحبه رد عليا قالي لا، متظلمهوش، ده طول عمره على خُلق، ودي مكنتش صحبته طبعًا، دي كانت مراته"، موضحة: "أنا كنت زوجة ثانية، وهو اتجوز عليا التالتة من غير ما أعرف".