النصر ينتصر على هجر 0/1 والحكم يغلي هدف صحيح (لهجر)

غصبن عنك ياصدى النصر فاز ههههههههههههههههههههههههههههههههههه

عقلاني جدا ما اعتقد في كلامك عقل او منطق الاحتاج زي ماتقول حق وهو حق فعلا بس السؤال كيف النصر عرف بالخطابات بين نجران وبين الاتحاد السعودي وكيف عرف انه فيه التزامات على نجران ماليه وليه تمسك على نجران وتمشي النصر والاتحاد وتخليهم يسجلون لعبيه وهم عليهم التزامات ماليه

لا إله إلا الله ..
ياخي قضية نجران معروفة ومتداولتها الصحف كلها من اقل من سنة ..
وسالفة الخطابات طبيعي كل نادي له مصادره بالاتحاد السعودي ..
تبي تعلمني ان الهلال ماله مصادر و 90% من اعضاء لجانه هلاليين .. !!
يارجل حتى نجران نفسه له مصادر بالاتحاد السعودي ..
طبيعية جداً انك تعرف وش قاعد يصير بالاتحاد .. اذا كنت تبحث عن حق مشروع لك
هذا اولاً
ثانياً بشأن المطالبات للأندية الاخرى
احب اوضح لك فيه فرق بين لاعب يطالب نادي .. ولاعب مشتكي على نادي
اللاعب اللي يطالب النادي هذا شأن خاص بينه وبين النادي
واللاعب اللي مشتكي على النادي هنا لجنة الاحتراف تتدخل واللجنة الفنية هي الحكم الخاص بأهلية اللاعبين المحترفين
مطالبات النصر بسيطة بالنسبة للاجانب كلها تم تسديدها
وبالنسبة للمحليين نعم هناك مطالب ولكنها خاصة بين اللاعبين والنادي
وليس هناك شكوى من لاعب نصراوي على الادارة
ماينطبق على النصر ينطبق على الاتحاد .. وينطبق على الشباب والاهلي وهلاللك ايضاً
احب اوضح لك فقط ان فيه فرق بين المطالبات والشكاوي ..
اما بخصوص النقطة الثانية اللي ذكرتها
يا سلام عليك
الاخطاء واردة في كرة القدم
لكن وش دخل النصر بـ هالاخطاء ..
النصر حتى وغيره من الاندية الكبيرة وغير الكبيرة .. كلها في يوم من الايام كانت ضحية اخطاء تحكيم ..
لكن تحمل نادي بكبره خطأ حكم .. هذا اللي مايخش العقل
على اساس ان النصر ماشاء الله متوغل بلجان التحكيم
يقال بأن مطرف القحطاني ذو ميول نصراوية ولكن يتحدث بشي واقع وبكلام حقيقي
الآن تم اقالته وابعاده عشان قال كلمة حق .. !!
بغض النظر عن الميول

ولعلمك أخوي
ضربة جزاء اخرى واضحة وضوح الشمس .. لم تحتسب في الدقيقة 56
لمسة يد على لاعب هجر واضحة ولم يتطرق لها الجمهور الا عندما تعالت الاصوات ضد النصر
لاعبين واقعين اثر مخالفات على لاعبي هجر
والحكم يمشي كورة ..
اخطاء كثيرة حدثت والحكم كان شغال على النصر كروت صفر
بسبب وبدون سبب ..
6 كروت صفراء ومخاشنات لم تحتسب للنصر وضربة جزاء ..
ويجيك بعضاً من جمهور ناديك يقول ان النصر طلب خليل جلال بالاسم و وافقوا
ياخي 1000 مرره كتبت الصحف ان مرعي العواجي تم تغييره بسبب اصابته
ويجيك واحد احمق يقول
اختاروا الحكم بأنفسهم (( قوبل ))

اسألك بالله .. هل هذا معقول ؟؟

وإن كنت ترى بأن الاتحاد السعودي يسعى الموسم المقبل لأن يكون الدوري نصراوي
اقول لك
انت تجزم بشي في علم الغيب ..

خلاصة القول
النصر استحق الفوز
وسيستحق ما أبعد من ذلك بعيداً عن أوهامكم

أجل النصر اختار خليل جلال ..
اضحوكة الموسم .. واضحكتني يا هذا !!

<< يقول يارب اقتنع الهلالي .. بعد كل هالشرح

بسبب ظلمهم للفرق الاخرى طول السنوات الماضية
شوف كيف الله حرمهم من البطولات

يجب على نادي هجر الشكوى الى الفيفا فقط اما اتحاد عيد الصوري لن يفيدهم بشي ظلم ظلم ظلم ظلم حسبي الله على التحكيم الغير محايد بلنتي خيالي وايرلس وضربة جزاء لهجر غير محتسبه وهدف صحيح لهجر

والحكم يغلي هدف

عشان كذا وصل لدرجة الغليان

اولا الهدف الملغي بداعي التسلل هو فعلا تسلل واتحدا اي واحد سواء محلل فني او ايا كان ان يثبت عكس هذا …ثانيا وش صار على احتجاجنا ضد نجران ؟ لجنة الانضباط وش يسوون نايمين مثلا ولا يستنون كلمه من نواف بن محمد بألغاء الاحتجاج بعد نتيجة هجر وفوزنا عليه ……نحن كجمهور العالمي نطالب لجنة الانضباط بايضاح لماذا التاخير في البت في موضوع نجران …..

هذ هو النصر كل سنه وضحاياه العام الفتح والسنه هذه هجر نصر بلنتي اكثر فريق استفاد من التحكيم هو النصر وهذه حقيقه لا يجهلها الا اعمى

هدف تسلل واضح الاعب متقدم بالراس واليد واستغرب من كلام الزيد لو الهدف في في مرمى الهلال كان قال نفس كلامي وقال هدف غير صحيح وحاله صعب الحكم عليها والاقرب انها تسلل ومايقدرها صح الا رجل الخط واعتقد ان قراره صحيح 100 %

ياحظ نادي الهلال بالتحكيم

الحكم خليل جلال يعني فايز فايز النصر الا ان يشاء الله….خخخخخخ فرحانين الفقراويه….التوقيع(هلاااااااالي ورااااااااااسي عاااااااااالي).

حلووووووووووووه يغلي هدف

قالوااا ايش الهلال يفوز بالتحكيم
النصر اللحين يصارع يوصل الرابع بالتحكيم
س1/ كيف وصل النصر للرابع ؟
عن طريق التحكيم

اتحدا رجال التحكيم والقانون تصوير ابو كلب والقناه خشب والهدف تسلل وبأمكان اي مشاهد اعاده الهدف من برنامج مباريات والتصوير اثناء لعب الكره للمهاجم وبعده احكم

اهم شئ اننا نمردغك والا الفرق الثانية اتركها عنك يا اصيفر صغير

يأخي ما ادري ليه النصراويين دائما يحطون انفسهم في مقارنة مع الهلال واذا حبيت تتناقش معه شق الشعيب …لانه من سنين زي الببغاء ينتظر تصريحات رئيس النادي علشان يرددها..
نعم ضربة جزاء غير صحيحة وهدف هجر صحيح 100% وتسللات غير صحيحة … يعني الا يروح النصر للرابع علشان يمثل اسيوياً…
بعدين لا تقارنونه مع الهلال .. الهلال بطولات وعز ومعزة وفريق النصر لاشئ (صفر) علي الشمال ويتفوق علي الهلال في محابات التحكيم له فقد تم تغيير حكم مباراة هجر بناء علي طلبهم وقبول الاحتجاج علي نجران ولو انه نادي غيرهم كلن قبل شكلاً ورفض موضوعاً… واللجان كلها معه والاعلام المريض في قناتنا السعودية وغيره

مساكين جماهير فريق الزعيق تناسوا فريقهم وراحوا يبحثون عن مشاكل لاعبين الانديه الاخرى حتى انطبق عليهم المثل القائل ( ماهي فاضيه تنظف بيتها راحت تنظف بيت الجيران لعيبة فريق الزعيق عمروا في السجون ولم يتقدم رؤساء ناديهم او اعضاء شرفه اوجماهيره بالتبرع له ولو بمبلغ بسيط والان اذاعتهم تتنقل بين السجون لتبحث عن لعيبة العالمي اذا وجدوا لاي مشكله لتبثها ولكن نقول لهم ( الذيب مادرى عن ،،،،،،،،،،،النعجة )

اول ضحياالمركزالرابع فريق هجر

عقلاني جدا ما اعتقد في كلامك عقل او منطق الاحتاج زي ماتقول حق وهو حق فعلا بس السؤال كيف النصر عرف بالخطابات بين نجران وبين الاتحاد السعودي وكيف عرف انه فيه التزامات على نجران ماليه وليه تمسك على نجران وتمشي النصر والاتحاد وتخليهم يسجلون لعبيه وهم عليهم التزامات ماليه .والنقطه الثانيه الحكم الرايه هو الي حسب التسلل على قولتك والاخطاء وارده بس مسكين الهجراووين جاوو في وضع غير النصر يبي الرابع والبقيه تبي الفتح ياخذ الدوري باي طريقة اهم شي ما ياخذه الهلال واعطوا الفتح ضربة جزاء غير صحيحه ضد هجر فالله يكون بعونك يالهجر نشوفك بعد سنه . والاتحاد السعودي خلاص من ضمن برنامجه السنه الجايه تحقيق النصر للدوري باي شكل كان .
تحدث بعقلك
ان كنت تملك عقل .

الاحتجاج من الحقوق المشروعة للنصر

واختيار الحكم كان من الاتحاد السعودي ولجنة الحكام

واساساً الحكم كان متحامل على النصر اليوم 6 كروت صفراء .. بداعي وبدون داعي

وهدف هجر .. نعم صحيح .. ولكن المساعد اخطأ في تقدير الحكم واصدار القرار ورفع الراية ..
هذا الخطأ لايتحمله النصر يا اسير الاحزان

وسالفة علي يزيد ..
الرجل يطالب بدون اثباتات ..
ولنفترض بأنه صادق فيما يقول

يبقى هذا شأن خاص والمفترض من يقوم بتسديده هو ابناء الامير عبدالرحمن بن سعود

ولكن ابناء الامير عبدالرحمن بن سعود رحمة الله عليه أكلوا النادي
فسهله يأكلون حق شخص ..
هذا لو كان علي يزيد .. محق في مطالبته
ومن يدري ؟؟
لايوجد اثباتات معه
والقانون لايحمي المغفلين

ولمعلوميتك ..
فيصل بن تركي اعطاه نصف مليون تبرع شخصي منه بالاضافة الى محل اتصالات

ولكن يزيد رفض
وهالشي قاله يزيد بنفسه

ثم لفكرتك

عبدالله سليمان لاعب ناديك ياصاحبي تم سجنه
وتم جحده من مسئولي نادي الهلال

صالح النعيمة يقضي مشاويره بالليموزين .. ومديون ولا أحد فزع له

فلا تتحدث بميولك وعاطفتك

تحدث بعقلك

إن كنت تملك عقل

هههههههههههههههههههههه حلوووووووه هدف صحيح تسلل بس تعجبني يا اخ صالح ع العنوان عشان تجذب المتابعين مالومك يمكن ميولك أثرت عليك الهدف تسلل مليون بالميه وانتهت المباراه اللهم لك الحمد ع الثلاث النقاط والف مليون مبروووك للأمه النصراويه

المباراة لو كانت للهلال تلقى الغامدي كاتب الزعيم الملكي زعيم اسيا. ……….. عيب عليك يالغامدي لاتخلط بين شغلك وبين ميولك ،اصلا مارجع كورتنا ورا غير اللي على شاكلتك ،لكن الشرهه ماهي عليك على اللي حاطك.

مبروك للعالمي
وهاردلك للمحليين بيشغلون انفسهم بتحليل قرارات التحكيم وناسين ان وراهم الاستقلال بيمردغهم زي العاده
اللهم لاشماته

واضح انه تسلل

للأمانه انا هلالي والحقيقه النصريستاهل الفوز اما هدف هجر انا اعتقدانه تسلل

الحكام ورئيسهم دئما يقلبون النتيجة لصالح
النادي المدلل فقراوي الصحاري

الاحتجاج قوبل واختيار الحكم بانفسهم قوبل واحتساب ركلة الجزاء غير صحيحه قوبل والغاء هدف صحيح بميه بالميه للهجر قوبل
كل هالامور عادي ما نفهمها احنا اغبياء
المشكله الغبي يفهمها بطلوا تصحكوا على الدقون واضحه وضوح الشمس
احمد عيد وينك فيه ترا ريحتك مع الانديه واكثرهم النصر تراها فاحت خلاص ما يحتاج
وعموما يا ليت بس تعطون هالمسكين حقوقه حرام ينسجن وعياله مالهم احد غير الله ثم هو ابوهم
ولاتنسوا الظلم ظلمات اذا تبوا تتوفقوا وتحصلوا بطولات اتقوا الله ثم دعوة المظلوم
خساره يانصر تاريخك منتهي بتاتا وفضحتنا وفشلتنا وينك يا ماجدعبدالله ويامحيسن