بالفيديو:باسم يوسف ينتقد قطربـ"قطري حبيبي الأخ الأصغر..يوم ورا يوم أمواله بتكتر"

انتقد الاعلامي المصري باسم يوسف من خلال برنامجه "البرنامج" الدور القطري فى مصر، من خلال أوبريت "وطنى الأكبر" بعد أن حوّر كلماتها لتصبح أغنية ساخرة غناها كل من وائل منصور الذي قلّد عبد الحليم حافظ وداليا الجندي وسارة المنذر.

الأغنية تنتقد بشدة الدور القطري في مصر وحكم الأخوان الذي تدعمه قطر كما يقول المحللون، وتقول كلماتها :

"قطري حبيبي الأخ الأصغر .. يوم ورا يوم أمواله بتكتر

استثماراته مالية حياته .. قطري بيصرف وبيتفشخر

قطري قطري

قطري يا مالية فلوسك أرضي .. قطري اديني كمان وأنا مرضي

أدي أخرتها بنشحت برة .. بعد ما فلسنا في الثورة

وأنت كبير وأكبر كتير من الخليج كله من التاريخ كله .. يا قطري

قطري حبيبي الأخ الأصغر يوم ورا يوم أمواله بتكتر

استثماراته مالية حياته قطري بيصرف وبيتفشخر

قطري قطري

وطني يا جنة الناس حاسدينها .. بكرة هتتباع على فاترينها

يا اللي قنالك كانت ملكك وانت بصك ايجار هتهينها

بيع للقطري وخد من خيره .. بيع له الهرم وابني اتنين غيره

احنا وطن طول عمره كويس .. يلا ارمي بياضك وتعالي كيس

كله فداك يا حبيبي القطري

قطري حبيبي الأخ الأصغر يوم ورا يوم أمواله بتكتر

استثماراته مالية حياته قطري بيصرف وبيتفشخر

قطري قطري

حلوة يا قطري يا مالي جيوبنا حلوة يا وكسة يا كاسية رايتنا

حلوة يا نهضة يا طاحنة شعوبنا حلوة يا أحلى خازوق في حياتنا

أدي اللي خدناه من الاخوان بيع مصر فرط وجملة كمان

في روض الفرج والدقي وشبرا .. فرح الشعب وشكر الشكرة

شكرة كل الشعب المصري.

يذكر أن باسم يوسف يواجه حملة تشنّ ضده اتخذت أيضا طابعا قضائيا واتهم خلالها بإهانة رئيس الجمهورية محمد مرسي وإهانة الاسلام بعد انتقاداته الشديدة لحكم الاخوان وعدد من دعاة الفضائيات المصريين.

https://www.youtube.com/watch?feature=player_detailpage&v=ROMVR11jmK4