وائل كفوري يغازل يارا علناً

لا شك في أن مقدرة الفنان وائل كفوري على الكتابة الشعرية وارتجال الزجل الشعبي بدأت تصبح نوعًا من العدوى الإيجابية، فلكي تصبح على تماس مع الكفوري يجب أن تكون ندّاً له وتستفزّه أقلّه بـ"بيت"، لذا بدأ عدد كبير من معجبيه باتباع هذا النمط حتى باتت صفحته الخاصة عبر "تويتر" أشبه بمنبر للصور الشعرية.

ويبدو أن هذه العدوى قد أصابت الفنانة يارا التي غازلها وائل كفوري شعرًا فردّت عليه بأسلوبه، وتطوّر الأمر بين أخذ وردّ فبدأت يارا بتحريضه على وضع كلمات لأغنية له بنفسه، واستمرّ الغزل حتى دبّ النعاس فكان الختام مسكًا كما بدأ بزجل شعبي.

إليكِ بعض ما تبادله النجمان وائل كفوري ويارا عبر "تويتر":

وائل: وين ما بقعد وين ما بكون بالجنيني عا البلكون ما بسمع إلا صوتك مش معقولييييي شو حنون

يارا: عطرك سِحرك صوتَك رَسمَك صاروا منّي وفيّي ...

وائل: هِلك ومستهلك اشتقتلك اسمحيلي ومن بعد إذنك قلك بدوب عا ريحة عطرك.... وفلك وبحبك كلك ..... على بعضك انت كلك

يارا: غالي عالكل وبتضل يا وائل غالي عليّ وكلما عيد علينا يطلّ صوتك هوّي العيدية

وائل: ما بتحكي الا بأصلِك الغالي والله بيرخصلِك كلما صوتي غنّالِك جو قلبي بيرقصلِك

يارا: صاير شاعر ما شالله.. وبشعرك في حنّيِّة.. عَطِّر هالدِّنيي كلّا واكتبلك شي غنيّة..

وائل: حلوي منك ....قويي الرديي مش عاديي لعيونكككك فيها بفكر اكتبلي شي غنيي

يارا: الغنية فكّر فيها وغنيّة فوق العادة ولو صوتك بيغنّيها أكيد بتحلا زيادة

وائل: يا ربي تعطيني العون ورح اعمل قد ما فيي يا أحلى يارا بهل الكون صوتك.... هوي الغنيي

يارا: تسلم تسلم يا غالي ربّي من عندو يحميك ويضلّ جبينك عالي والنجاح بيكبر فيك

وائل: عم فكر شو بكتبلك؟؟؟؟ أفكاااااااار ؟؟؟ منين بجبلك والحقيقة رح قلك اهونلي نجوم السما نجمي ونجمي عدِلِّك

يارا: نجوم الليل الما بتنام قدّ محبّتنا إلك.. تصبح ع خير وسلام ومحبة، وتبقى الملك

وائل: وجك يا شقفي من النور يا اجمل من ست بدور من هلأ صباح الخير ولبكرا سلف بونجور