تحديد مهور البكر و الثيب في إحدى قرى الباحة

الزواج من ام الدنيا مابين العشرين الى خمس وعشرين الف شامل كل شي حتى السكن ممكن تسكن في شقه صغيره وميسوره ومبلغ ايجارها مناسب وعلى قد العروسان وبتدلعك وتزبطك زي منت عاوز

نقول بسم الله عندي بعض التعليقات
اللي قبلي كفو ووفو ودي اعقب على بعض الاموروبفصلها لكم
الان المتبدى في الموظيفه نقول اقل راتب يكون 5 الاف
يخصم من الراتب 1400 قرض من البنك 110 الف
وياخذ من بنك التسليف 40 الف يخصم من راتبه 700حقت التسليف بيحطها في سياره له اما قرض البنك بيخليها في مصاريف الزواج
مهر الزوجه المتواضع 30 الف
اثاث بيت متواضع 35 الف
اجار بيت 9000
بوفيه لرجال ونساء 10الف
الذبايح عشاء لنساء ورجال 10الف
الفندق 1500 لليله واحد او ليلتين
قهوجيه 3000
سفره داخلية او خارجيه5000 الف اقصى حد احيان تزود الى عشره الف
كلها 103500
وفي الاخير بعد سنه تكثر المشاكل وتحصل البنت تصيد اخطاء الرجل حتى الرجل يتصيد اخطاء االبنت احتمال كبير البنت غير موهيئه لتحمل مسؤولية البيت ماتعرف تطبخ كسوله او عجازه انها تطبخ وكل تريده من المطعم بيتها محيوس ومشغوله في الاستقرام وتوترمع صاحباتها وتحسس
من ظلها ماتقبل ان الرجل يوجهها بشي معين اذا اخطاء عليها العبائه في يدها ودني لاهلي
اذا راحت لاهلها شالو القدر بأذانيه وقومو الدينا وقعدوها تقول بنتهم ملكه ماتخطي ابد ان الحق معها لو حتى هي مخطئه وحتمال بكلمه رخيصه البنت ماتريدك عطنا ورقتها او الرجال انفجر
من ظلم ابو البنت بتهاماته له انه غير عادل ويحصل طلاق
فالخساير كم تكون على البنت وكم تكون على الرجل
البنت ماتخسر شي غير ان تحمل اسم مطلقه فقط ويمكن بعد شهر شهرين تزوج وتروح مع شخص اخر
اما الرجل تكون خسارته فادحه الم مدة 5 سنوات يدين في زواج لم يتوفق فيه
يعني يخصم من راتبه من البنكين 2100 ويصفي له 2900
الله يعين الرجال هذا الي نقدر نقوله

بس عندنا الزواج صعب وفوق كذا انت وحضك
لكن برا دبلة هي الزواج والزوجين يتعاونون على البيت لكن عندنا الله المستعان كل شي ع الزوج وبعد الزواج بفتره تلقي حالته حاله ديون ومشاكل زوجيه بسبب الديون والزوجه تطلب وبالاخير تقول فقران وهي السبب بفقره ههههههه الله المستعان

حرر الرد

هههههه:
رفعوا مهر الثيب كان اول 15الف زادوه الى 30 الف ..!
المفروض البكر 20 الف والثيب 10 آلاف.
دوروا ستر بناتكم يالربع..!

تحديد المهور !
تحديد الأسعار
حسيت كأنه سلع مو بشر ?
الصداق يتفق عليه بين الطرفين
بالنسبة للحفل نادرا تشترط البنت حفل قاعة معينة …كله هياط من المعرس وأهله في الغالب

لايزال المهر مرتفع بالنسبه للشاب المبتداء اذا كان راتبه لا يتجاوز بالحد الاعلى 10 الاف فما بالك بمن راتبه في حدود 5 الاف ريال . من وين يستطيع تجهيز سكن مستقل لزوجته وتحمل اعباء الحفله وملحقاتها . المفروض يكون زواج عائلي مقتصر على الاسرتين فقط وبدون صاله افراح وبدون ذبايح وبذخ على الفاضي وبعد شهر طلاق ومشاكل بين العروسين
لماذا لا نلتزم بتعاليم الاسلام السمحه ( زوجوهن واعينوا عليهن ) ولكن الان اصبحت الفتاه سلعه تباع وتشترى ولهذا نجد الكثير من الطلاقات .
في قديم الزمان يأتي العريس مع ابيه او عمه ويخطبون البنت من ولي امرها واذا تمت الموافقه ذبح ابوها خروف او خروفين وعزم جيرانه وفي الصباح اخذ العريس عروسته وتوكل على الله وعاشوا سوا بلا مشاكل وانجبوا الاولاد الصالحين لان الله سبحانه يجعل فيهم البركه . ولكن اليوم قد تصل بعض الزيجات الى مليون ريال بسبب البذخ الزائد من استأجر الصالات الغاليه وجلب احد القنوات لتصور الحقل وذبح الكثير من الاغنام والابل ودعوة الناس من جميع دول الخليج و لا ننسى الهدايا الثمينه ثم السفر لشهر العسل وفي الاخير يعود اكثرهم لم يتموا شعل العسل بسبب اخلاف العروسين على مكان السهره او نوعها . لذلك يجب ان يكون الهدف من الزواج هو الاستقرار وتكوين الاسره ليبارك الله فيه وعلى العروسين . نسأل الله التوفيق للجميع وان يتخذ الاباء والامهات قرار بتنزيل المهور من اجل بناتهم ومستقبلهن ولا ننسى ان العنوسه عندنا مرتفعه بنسبه كبيره جدا

عالم فاضية …

المفروض الشباب يسوون اضراب عن الزواج لين الناس يرضون بالامر الواقع ويسير الزواج ميسر

حرر الرد

الله يديم الأفراح

مهر40الف+قاعة35الف+ليلةالحفلةتجهيزات للضيوف30الف+تجهيزات للنساء من ميزوخلافه30الف+تأثيث الشقة40الف،المجموع
175الف!!كله قبيل ليلة الدخلة؟!!!!

هذا المبلغ بالنسبةلشاب في بدايةحياته
كيف يجمعه كاااش؟ والايعيش بديون طول عمره!
ليه كل هالتكاليف وعلى ايش؟
وآخرتها ع السناب والكيك وطقته حتى الغدا ماتعرف ولاتبي تسويه،واي شئ تقولك انا موشغالة وطلباتها بعد الزواج ماتخلص فلانة اشترت وفلانة سافرت لكذا وعلى اتفه سبب
تقوولك طلقني!!! لانها ماحست بالمسؤولية.فقط
انتقلت من غرفتها ببيت اهلها الى بيتك

وعلى هذا المفروض الزواج يكون ميسر جدآ
وكله ع بعضه مايوصل30الف وكثيرة بعد

طيب وش الجديد هذا هو واقع المهور واذا زاد هذي عند عوايل معروفة ولهم عاداتهم

ترا هالحين يقولون الشباب من وين لنا ٣٠ الف ???? الظاهر حتى لو بريالين قالوا وليش ريالين ?????

على قولت امي الله يحفظها الزواج يبيله رجااااال
والفلوس مقدور عليها

انا صرفت ع زواجي قبل شهر الحفله بس ٨٠ الف
هذا من غير المهر والاثاث.

تقريبا ١٧٠ الف. ????

السلام عليكم ورحمة الله وبركاته وبعد
اود الايضاح ان ٤٠ الف هذه كثيره جداً على الشاب المبتتدئ حياته ، المفروض يتم مرعاة ضروفه لانه بمقتبل الحياة ولا يطلب عليه مبالغ يتعب هو لما يجمعها ولا يقترضها وفي النهايه يتم صرفها في الاسواق بلا حساب.

بعدين ياليت الحفلات تلغى ويقتصر عليها عائليه فقط. (( محفوفه ))

ساعودا الناس يا الي عندكم بنات وربي يفرجها عليكم

المهر مو مشكله فلا تسوون فيها انكم فزعتوا للشباب …
المهر مو مشكله …
الكارثه حفلة الزواج وتأثيث البيت …
حفلة الزواج تسلخ الظهر سلخ …
إذا أنتوا صادقين في فزعتكم للشباب إمنعوا الحفلات منعاً باتاً .

اللهم يسر امور ابنائنا وسخر لهم من يرعاهم حق رعايه ?

زواج عائلي ويسروا ولا تعسروا ?

الراتب خمس الاف ؟ المهر ٤٠الف ،الخطوبهعامه ١٠ الاف ، هدايا الى ان ياتي موعد الزواج ٧الاف، حفل الزواج ، الصاله الطققققاقه اقل شي ٥٠الف وتجهيز البيت والاجار ٥٠الف كحد اقصى ????دامت الافراح عامره دياركم ??

وعندنا قطعة كيك وكاسة بيبسي واسئجار الصاله يكون بالساعه والانتهاء قبل الحاديه عشرهاو لا تتعدى الثانيه عشره والكل يشاركبفرح وسرور ????بس في موجل وموخر لا اكتب للاعلان ولكن يسروا ولا تعسروا ?

الله يعطيهم العافية ويبيض وجيههم الإلتزام بسنة النبي صلى الله عليه وسلم هي كل الخير لجميع المسلمين.
نتمنى أن يحذو الجميع حذوهم فهم بإذن الله على خير.

والله عندنا البكر ب25 والثيب ب15لكن يلحقه أشياء توصل التكاليف حول الستين ويمكن زياده

يفترض تمنع الحفلات نهائيا ، الشباب لهم أجرين اجر الصبر وأجر التحمل والمشقة ، وخل مشايختنا الافاضل في سبات ….