أكد عضو لجنة الاقتصاد والطاقة بمجلس الشورى الدكتور سعيد الشيخ، علي أن الاشتراكات الجديدة للعاملين الحاليين، والتي بلغت 14.2 مليار ريال لم تكفِ لتغطية المعاشات، والتي بلغت 25 ملياراً، وعليه فالمؤسسة العامة للتقاعد سيلت أصولها لتسديد العجز المالي في حساب المتقاعدين العسكريين.
وحذر عضو مجلس الشورى من نفاد الاحتياطات التقاعدية للنظامين المدني والعسكري، ومن عدم مقدرة المؤسسة على الاستمرار في صرف معاشات التقاعد خصوصاً للعسكريين خلال سنوات قليلة.
وأشار إلي أن إجراءات المؤسسة تؤدي إلي تناقص قيمة الأصول الاستثمارية في الحساب، وقد تتلاشى في عام 1443هـ أي بعد 5 سنوات، وهو ما سيحمل الدولة أعباءً إضافية لصرف المعاشات.
ولفت إلى أن إجمالي معاشات المتقاعدين مدنيين وعسكريين بلغ 54.8 مليار ريال، فيما بلغت عائدات الاستثمارات للاشتراكات 7.2 مليار فقط.
التعليقات
طيب المتقاعد المسكين الا عنده شقة او فلة تمليك وعليها اقساط مدة 20 سنه وسيارات لعياله اقساط ويش يسوي بيورط كيف حيسددها
أقول بس ما عليكم من كلام مؤسسة التقاعد
والله يا الدوله ماتقصر في شؤون المتقاعدين
وكل صاحب حق يأخذ حقه
والله المستعان
لعبوا فيها يشترون الاراضي بأضعاف اضعاف اسعارها والحين ما تسوى ربع الربع من مشتراهم
حسبنا الله ونعم الوكيل حتى رواتبنا التقاعدين الطفسه يفكرون فيها وش تبون بالضبط تلغون رواتبنا التقاعديه
هذي هي رؤية 2030
انا استغرب هالمشاكل ما سمعنا فيها من قبل
الحين كل يوم طالعين لنا بموضوع جديد سكن مافي وتحويلهم على البنوك
الصندوق العقاري موقف
توقف العلاوات والبدلات والعلاوة السنوية
توقف المشاريع
توقف الابتعاث
توقف العلاج خارج المملكة
لا تنسون الملك عبدالله من دعائكم ( الله يرحمك يبو متعب والى جنات الفردوس آمين )
اول مره اعلق معكم …تحياتي والله يحفظكم.
الحمد لله احنا في نعمه وخير ..المتقاعدين هذا السنه مدري متي تصرف لهم مكافئات نهايه الخدمه..قارب شهر الصوم .كل عام وانتم بخير وعافيه.
الكارثه بعض الاشخاص يصدم الناس باخبار في علم الغيب ! فقط لتحطيم العرب
رزقكم في االسماء وما توعودون.
قرارات مضروبه
ضحيتها المواطن الضعيف
قرارات مضروبه
ضحيتها المواطن الضعيف
حسب مافهمناه
انهم مطالبين بالغاء التقاعد المبكر وزيادة عدد سنوات الخدمه
لعل الموظف يموت قبل تقاعده وياخذ اهله الفتات
الحمد لله دولتنا في خير
واياديها ممدودة دايم بالخير للمواطن
والقريب والبعيد . فتطمنوا فأنتم في
ايدي امينة رعاهم الله
كلامة ماهو صحيح
انظر الى اكثر الدول وعدد المتقاعدين عندهم
اضعاف المتقاعدين عندنا ومع ذلك للمتقاعد عندهم
مميزات من نوادي ورعاية صحية وتسهيلات والكثير.
وش يعني هذا الكلام ؟؟؟ يعني يمكن المتقاعد ما يحصل راتبه اللي لا يسمن ولا يغني من جوع في حسابه اخر كل شهر والا كيف ابغا افهم ؟
والله راتب اغلب المتقاعدين مثل راتب الخدامه وكمان ناويين عليه بعد . هذي كارثة حقيقة والله .
كيف يكون موسسة التقاعد لديها
عجز وهي تسقط بيوت بالتمليك
من عشر سنوات ماضيه . ﻻبد حلول
المؤسسه لديها استثمارات
لا حول ولا قوة إلا بالله .. هذه المشاكل ما سمعنا عنها من قبل رغم أنكم كنتوا تلمحوا لها ..!!!!!!!!
.
وين راحت الفلوس .. طارت ؟!
اين المبالغ المستقطعه 5000 سنه
يجب تدخل الدوله والتاكد من ارصده مصلحه التقاعد واذا ثبت شبه التفليس فيجب ايقاف والتحقيق مع الاشخاص المسئولين عن اداره استثمراتها بالاراضي والاسهم والواضح انهم يلعبون باموال الصندوق لافاده بعض تجار الاراضي ومضاربي الاسهم واخذ العمولات لمصالحهم وترك الصندوق خاوي لعلمهم انه لن يتم محاسبتهم وسوف تحل بطريقه واخرى الفساد واضح وامانه المسئولين معدومه وكلا همه الحصول على اكبر مبلغ ومصلحه الصندوق اخر اهتمامه لو وجد محاسبه لكل مسئول عن اداره اموال اي جه حكوميه وعلمه انه سوف يحاسب عن مصيرها لتوقف السرق والفساد والله المستعان
حولوا المتقاعدين علا الضمان الاجتماعي
الله يعين ,,,
السؤال هل السبب في هذا العجز ان الحكومة سحبت او اقترضت مبالغ كبيرة من أرصدة مؤسسة التقاعد مما ادى لحصول هذه الفجوة الكبيرة بين المدفوعات والمصروفات؟ او هل السبب عدم كفاءة السياسة الاستثمارية لمؤسسة التقاعد؟ واذا كانت سياستها الاستثمارية غير كفؤة فأين المؤسسات الرقابية عنها منذ البداية؟ ارجو ان لا يتم تحميل المواطنين كالعادة نتائج هذا القصور في الأداء.
والله كذب لا تسرقون وتكفي موجودات الصندوق الف سنه قدام
تعليق عبدالله الشهري وتعليق هاذالايجوز
كفى وفى
مهزلة
طلعوا الارباح اللي بلعتوها خلال السنين الطويلة الماضية وين راحت ؟ بدل ماتدفعون للموظف نصيبه من تلك الارباح جايين اليوم تقولون مانقدر ندفع (الراتب) ؟؟؟؟؟؟؟؟؟!!!! استحوا على وجيهكم وعطوا الناس ( حقوقهم) ومالكم فضل ولا منة
عبدالله الشهري كلامك صح وفيت وكفيت
الله يستر لابد من وجود حل ينهي هي المشكله
وش قصدكم يعني لا أحد يتقاعد وفي نفس الوقت يستمر في خصم بدل التقاعد لين يموت والا قصدكم يداوم الواحد ويحول راتبه على مؤسسة التقاعد لين يموت وتدفنون تاريخه وتسقطونه من حساباتكم , والله هذا من قلة دبرتكم تروحون تضيعونها في البورصات العالمية الحرام والربوية لين ماحط الله فيها بركة ولو كنتم إستثمرتوها في مباني الإسكان والتمويل الحلال وفتحتوا مشاريع تعود بالفائدة كان غطت الرواتب وساهمت في تقديم عون للفقراء من المتقاعدين ومحدودي الدخل ولكن لن ترحمكم الأجيال القادمة لأن الموظفين كلهم ينحسم عليه شهريا مبالغ تقدر بالمليارات سنويا لأن أضعف راتب ينحسم منه حوالي 300 ريال وأعلى راتب حوالي 4600 ريال وعليكم الحساب
اترك تعليقاً