بالصورة.. إعلان وظيفي للعمل في ” بقالة ” يثير موجة من السخرية

ابارك للاخ العزيز راعي الددسن على الوسام

ياحلالاه يالوسام حقي اللي راح

ابوعمار صباحك ورد

صاحب الاعلان اتصور انه يعلم بعدد العاطلين من حملة الشهادات العليا ففكر في طريقة مساعدتهم على منحهم فرصة العمل لديه في بقالته والزين في الاعلان انه لم يشترط الخبره

بداية يسعدني ان اهنىء وابارك للاخ العزيز راعي الددسن على الوسام فالف الف مبرك

هههههههههههههههههه الله يسعدك يا شايب بروحه مغير كل الاسامي

هذي حيله من صاحب البقاله يعجز الشروط حتى يحصل على تأشيرة عامل .. وهذا الاعلان تمويه لمكتب العمل

والله لو عنده دكتوراه ما يلحق يصير مثل الهنود في ادارتها والعمل فيها في نفس الوقت

كويس ماطلب خبره

في حياتي ماشفت انسان سلبي زيك? … ياشيخ الله لايوليك على مسلمين .. ? شايب اللي زيك تعشو ونامو هياااااااا قوووم توكل على ربك

الله المستعان يعني الي ماخذ ماسجتير وش صلح طيارة ولا قمبله نونيه
ثلاث ارباعهم ماستفادو منها شي هي مثل قولت واحد من خويانا لابس بشت والجيب فاضي
هذولي عيال بو سمير متزوج مصرية وداري بتسألون وشلون اسمه سمير لأن زوجت ابو سمير مصريه ويوم جابو سمير عيت غير تسميه سمير علي اسم ابوها وهذا السبب أيه نسيت الموضوع وسمير وخوه محمد كلهم ماخذين ماسجتير
من مصر والحين ماغير يقطعون ملوخيه مع امهم بالليل وفالنهار ماغير شغالين يشترون اجهزة المطاعم الي جالسه تسكر وعفش السوارنه والمصاروه الي جالسه تطلع ويبيعونها بالحراج وبو سمير ماغير يحب البط ومربيهم بالحوش وماغير يلاحقهم ويزغطهم بالأكل هم والحمام عشان أم سمير تسويهم محشي بط ويجيبه لنا أحياناً عشا ولا حد ياكله ماغير متعب نفسه الله المستعان

مااعتقد ان الصورة صحيحه ? احس انها فوتوشوب

هذا شكله لكيع او حقير

الإحترام واجب واحترام صاحب الشهادة واجب إذا إن الحكومه عندنا والشركات الكبيرة مثل أرامكو والكهرباء توظف وظائف حكوميه بكالوريوس وماجستير وصاحب البقاله الأجنبي بمساعدة السعودي يستخفوا بالبلد وعيال البلد ويرخصوا شهادتهم ولو إن المجال مفتوح لسعودي والأجنبي بالعمل في البقالة قسم بالله العلي العظيم رب العرش العظيم لو تقدم سعودي ماجستير واجنبي عنده دبلوم تجارة ياخذ الأجنبي

أما من معه الماجستير فربما أرادوا وظيفة رءيس البقالين عموما الشغل ليس عيب ون قفلت في وجهه ابواب الوظاءف فعليهان يشتغل بمثل هذه شغله الا ان يفتحها ربي في وجهه

العمل ليس بعيب وكل يعمل على حسب شهادته وربما يكون العمل في البقاله خير من الوظاءف الحكوميه بمراحل

اذا الراتب مغري ماعندي مشكلة اشتغل بقالة لو معي دكتوراه في الهندسة النووية من جامعة Harvard او MIT

الشغل مو عيب والبقاله شغل شريف .ما عجبك لا تقدم عليها. عندي بقاله واحتاج مؤهل دكتوراه

حبيب قلبــي ابو محمد ? .??.
.
تَســــلَــم علــى ألتهِـنئه طـال عمــرك هـذا والله مِِن بَـركاتكــم وجَمعِتــي مَعكـم .
.
حفظكــم الله جميعاً وأطـال فـي أعماركـم ودمــتُم سـالمـــين أحباب قلـــبي .
.
عســـى ربــي لا يحــرمنــي من شــوفتكـم .?.?.?.?.?.?.

وين رقم الجوال ….
والله اول واحد ابيه وانا جاد ولا ضيعت الشوارع

الرسول عليه افضل الصلاة وتسليم كان راعي غنم
ونبي ادريس كان خياط
ونبي نوح كان نجار
اشغل مو عيب

صحيح ابو محمد أحيك العمل ليس عيب قال تعالى ( وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ )٠

كلام مودب صحيح تري ثلاثه ارباع البقالات تستر الاسم للمواطن ياليت يلغونها يخلون الاسواق الكبيره

طيب

من ناحية البقاله والماجستير ,,

,, فلا استبعد ان يتمنى هذه الوظيفه من معه ماجستير ولا يحصلها ، مثل ماهو حاصل في البلدان المجاوره ,,

,, اذكر اخوان لنا جاءوا من بلدان مجاوره وهم على مشارف التخرج من الجامعه ، ليرعوا ابل وغنم وعمال بناء وعمال مزارع ، وعمال محطات بنزين وبقالات ,, وذالك من قلة العمل في بلادهم فلوا حصلوا مثل هذه الأعمال في بلادهم لما وصلوا هنا ، وهم طلبة جامعات ,,
,, قصدي اقول طالما هنا فرصة عمل في بقاله ، افضل من ان تدور وظيفه ( اي وظيفه ) ، في مكان آخر انت وماجستيرك في مخباك او تتوظف لأجل تجمع فلوس وتكمل لتحصل عليها ,, مثل الربع اللي اشرت لهم ,,

عبر صفحات صدى الإلكترونيه ،،

,, أهنئ الأخ العزيز راعي الددسن حفظه الله ، على الوسام ، وهو يستحقه عن جداره ،، الف الف مبروك ياالحبيب ,,

,, مع تمنياتي لك باالتقدم مع وافر المحبه لجنابك الكريم ,,

كلام الاخ مؤدب صحيح وله الشكر . هذا احتمل والاحتمال الثاني يوجد فيئة مغرضة وتسعى لتشويش بما يخص نظام البلد وهذا المفروض يؤدب على قلت الحياء ولاشك انها جت في محلها ياليت مكتب العمل ياخذها في موسع الجد

صاحب البقاله الأساسي أجنبي وقال الأجنبي لسعودي صاحب اللوحه والرخصه فقط … يسوي إعلان ويطلب ماجستير عشان ما أحد يجي ويبقى الأجنبي في بقالته ويقول المكتب العمل سوينا إعلان وما أحد تقدم .. لو إن اللي سوى الإعلان بنده أو هايبر بنده أو من السوباركت العمالقه ممكن تمشي

اتوقع انها مجرد طقطقة

ههههههههه. مَيبغـــى واحـــدٍ عِنـــده تَكتــوراة فـي عِلــم ألنَفـــس .❓❓.
.
إذا يَبـــغاه عِنـــدي واحـــدٍ يَــرعـــــى ألبِــــــــل وألحــــلال .?????.

ماجستير وبقاله والله قويه متبي واحدمتخرج من امريكا
?

اف وما جستير بعد
معقولة ؟؟؟
هههههههههههههههههههههههههههه