بالفيديو.. منى فاروق تظهر من جديد: تعرضت للتحرش

كشفت الفنانة المصرية منى فاروق، عن تعرضها، للتنمر والتحرش الإلكتروني، خلال تواجدها في مدينة دهب المصرية.

وقالت منى فاروق، في مقطع فيديو جديد لها: "أنا من شهر فبراير 2020، مطلعتش لايف، من وقت اللايف الأخير اللي كان من خلاله دعم كبير، لكن النهاردة في إبريل 2021، بطلع لايف، أقولكم إني اتعرضت للتنمر والتحرش الإلكتروني" .

وتابعت: "واحد صورني فيديو وأنا في دهب واقفة قدام مطعم واحدة صاحبتي، كنت لابسة مايوه وكاش مايوه، وارد إن جسمي يبان، وأنا جنب البحر، وصورني، وأنا بقيت خايفة وأي حد ماسك تليفون بيخوفني، وهو صورني وهو قاعد بيأكل، فقولتله أنت بتصورني ولقيته عمال يمسح، وعماله أقوله أنت ليه مصورني ده كله".

واستطردت الفنانة الشابة: "أنا من حقي أعيش في سلام ومن حقي أعيش حياتي ومش مستنية من بني آدم حاجة، أنا عاوزة أعيش في سلام وهدوء، ومش هبرر حاجة"، مختتمة:"أنا مش داخلة فيلم آل هارون ولو عايزين تسألوا ليه اسألوا المنتج، أو المخرج، وأنا هبقى أشهر واحدة في الوطن العربي" .