كشف والد حسام حبيب طليق الفنانة المصرية شيرين عبدالوهاب المستور عن ابنه وأسرار علاقته بطليقته، ردًا منه على تصريحاته المثيرة للجدل التي كشف عنها مساء أمس الجمعة.

ووجه والد حسام حبيب اللوم على ابنه، مؤكدًا أنه السبب الرئيسي في تدمير شيرين عبدالوهاب، وقطع صلة الرحم بينها وبين شقيقها ووالدتها، فضلًا عن ضياع مستقبل بناتها بسببه أيضًا.

وقال حسين حبيب : ” قولوا الحق ولو على أنفسكم، هو ينفع أخالف شرع ربنا بحجة إني أحمي أولادي البنات، لها الثلثين والأهل لهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل”

وأضاف: “أنت كده مش بتحافظ على مال زوجتك، أنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك.”

وتابع : “هو ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض، الأم والأخ لا يعوضهم أحد، كلمة حق لوجه الله.”

ومن جانبه اتهم والد حسام حبيب، ابنه بتوريط طليقته شيرين عبدالوهاب مع أهلها بسبب تصريحاته عن طريقة تعاملها مع أموالها ووصفها بأنها مُبذرة، قائلاً: “أنت بتقول لما رجعت ليها العربية، واحد بيشتغل معاها أخد العربية اللي بخمسة مليون، وقالها في المقابل هيعطيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، إنت كده بتدي مبرر لأهلها، ليحجروا عليها وبتطلعها إنها سفيهة وعبيطة.

وعن حديث حسام حبيب أنه لا يعرف شيئًا عن والده منذ 14 عامًا، وأنه خرج من بيت والدته على بيت زوجته قال: “بقول إنك عمرك ما أخدت منها فلوس وإنك ما بتشتغلش 4 سنين كنت عايش على قفا مين وهيا قالت لي يابابا أنا عايزه أتجوز راجل يصرف عليا وقلتله عايزك تشتغل وتصرف على بيتك عشان تكبر في نظر مراتك وتحترمك الحب وحده لا يكفي”.

واختتم حسين حبيب حديثه قائلاً: “أخدت مني مليون جنيه عشان تشطب فيلتك وما تعيش في بيت مراتك، وتردهم ومن ساعة ما اتطلقت، وأنا بصرف عليك ورايح تقول لعمرو أديب وتهاجمني لتاني مرة أنك ماتعرفنيش من 14 سنة، آه ما بتعرفنيش إلا للمصلحة.”

والجدير بالذكر أن الفنان حسام حبيب جاء في صدارة قائمة محرك البحث جوجل ومختلف مواقع التواصل الاجتماعي بسبب تصريحاته الأخيرة مع عمرو أديب ببرنامج “الحكاية” والتي أثارت ضجة واسعة وحالة جدل كبيرة بين الجمهور.