رد الفنان المصري شريف منير على كل من انتقد ابنته “أسما”، بعد حلاقة شعرها بالكامل في مقطع فيديو.

وقال منير: “ايه الدوشة اللي انتم عاملينها والضجة دي كل ده علشان بنتي قصت شعرها قدام الكاميرا إيه الغلط اللي هي عملته أوعوا تفتكروا أني ممكن أجي على بنتي علشان خاطر أكسب رضاكم دي بنتي اللي ماليش غيرها واللي بحبها”.

وأضاف: “واللوك اللي عملته عجبني ومبسوط منها اوي
الاخوة السادة الملايكة الصالحين اللي عمالين يقلوا أدبهم ويشتموا ويقولوا تاخد الترند وجاتها البلا في شكلها وابوها معرفش يربيها، لا أنا بنتي متربية كويس جدا، وبتتصرف باللي هي حاسة بيه المهم متكونش بتأذي حد”.

وتابع: ” وقبل ما تتكلموا بصوا على نفسكم اتفرجوا على ولادكم على اخواتكم، ريحوا نفسكم واهدوا شوية اللي حصل من بنتي مش غلط هي حرة في نفسها”.

واستكمل: ” بنتي عندها 36 سنة وأم ومسؤولة عن نفسها وأنا أب مسؤول أني أحميها”، وتوجه لها بقوله: “اسما شكلك زي القمر وخدتي الترند برافوا عليكي متسمعيش كلام حد ومتهتميش بكلام حد”.