تحدثت الإعلامية مروة صبري عن الأنباء المتداولة مؤخرًا حول الفنانة الراحلة إيناس النجار، والتي زعمت دخولها في علاقة مؤذية كانت سببًا في وفاتها، وجاء رد مروة صبري من خلال برنامجها “قعدة ستات”.

وأوضحت الإعلامية مروة صبري، في تصريحات نقلتها عن سوار النجار شقيقة الفنانة الراحلة إيناس النجار: “إيناس مكنتش في علاقة مؤذية، كانت بتحب راجل محترم، وكانت هتتجوز بعد رمضان، وبيتها كان جاهز”.

وأضافت: “للناس اللي كانت بتقول إنها كانت علاقة سامة بقالها 7 سنين وهو اللي دمرها وحطمها، وهو السبب في موتها الكلام ده، مالوش أي أساس من الصحة”.

وتابعت: “إيناس النجار كانت بتحب راجل محترم، وحفاظًا على إن أختها مش حابة تقول هو مين، والراجل ده كان واقف معاها في فترة الغيبوبة وقال أنا عايز أكتب كتابي عليها، قالوله مينفعش تكتب كتابك عليها وهي في غيبوبة، من كتر ماهو بيحبها، مش عايز يتخلى عنها”.